<h3 style="text-align: justify;"><span style="font-size: 18pt;">یانهیا دهۆك ههڤبهست دگهل هێرشبهرهكێ بهرازیلى ئیمزاكر، سكرتێرێ یانهیێ ژى دبێژیت : ل دهستپێكا ههیڤا بهێت دێ دهست ب بهرههڤییان بۆ وهرزێ نوو یێ خۆلا نایابا عیراقێ كهن.</span></h3> <h3 style="text-align: justify;"><span style="font-size: 18pt;">یانهیا دهۆك ل سهر ئهكاونتێ خوه یێ فهیسبۆكى راگههاند، ههڤبهست دگهل هێرشبهرێ بهرازیلى دومینیك ڤینیسیۆس یێ 28 سالى ئیمزاكر، بهرى نوكه وى یاریكهرى یارى ل خۆلێن بهرازیل، چین، دانیمارك و ڤێتنامی كربوو، ل وهرزێ بهێت دێ سهركێشییا هێلا هێرشبهرییا یانهیا دهۆك كهت.</span></h3> <h3 style="text-align: justify;"><span style="font-size: 18pt;">جاسم محهمهد حاجى سكرتێرێ یانهیا دهۆكێ بۆ ئاژانسا خانى ئاشكراكر، ل دهستپێكا ههیڤا بهێت تیم دێ كۆمبیت، دهستهیا كارگێرێ ژى دێ كۆمبیت و دێ گۆهدارییا پێشنیاز و پلان و داخوازییێن دهستهیا راهێنهرییێ هێتهكرن، دێ پلانهك بۆ بهرههڤییێن تیمێ هێته دانان.</span></h3> <h3 style="text-align: justify;"><span style="font-size: 18pt;">زێدهتر جاسم حاجى ل دۆر وان نووچهیێن بهلاڤبووین كو ئێكهتییا فوتبۆلا عیراقێ دێ 850 ملیۆن دیناران پێشكێشى یانهیێن خۆلا پیشهكاران كهت داكو یاریگههێن خوه پێ نووژهن بكهن ئاشكراكر، ئهو ب تنێ ئاخڤتنێن جاددهیانه و ههتا نوكه چ نڤیسارێن فهرمى ژ ئێكهتییێ نهگههشتینه وان و گوت: د نوكهدا ئهو كار ل سهر چاككرنا كێماسییێن یاریگههێ دكهن، كو هندهك شاشه و تلهڤزیۆن بۆ ڤارێ دێ هێنه دابینكرن، رووناهیییا یاریگههێ دێ هێته زێدهكرن، ژۆرهك بۆ نوشداران دێ هێته تهرخانكرن، ههروهسا دێ ههموو كهلوپهل و پێدڤییێن ئاگرڤهمراندنێ هێنه دابینكرن.</span></h3>
