ئەڤ شەڤە وەزیرێ دەرڤە یێ تورکیا دێ گەهیتە هەرێما کوردستانێ

بڕیارە ئەڤ شەڤە هاکان فیدان، وەزیرێ دەرڤە یێ تورکیا بگەهیتە هەولێرێ و سۆبەهی پێنج شەمبییێ، دگەل سەرۆکوەزیرێن هەرێما کوردستانێ کۆمببیت.

حکومەوتا هەرێما کوردستانێ ڕاگەهاندیە، پشتی سەرەدانا وی بۆ بەغدا  و کۆمبوونا وی دگەل بەرپرسێن بلند یێن عیراقێ، ئەڤ شەڤە هاکان فیدان، وەزیرێ دەرڤە یێ تورکیا دێ گەهیتە فرۆکەخانەیا نێڤدەولەتی یا هەولێرێ و ژ لایێ ڕێبەر ئەحمەد، وەزیرێ ناڤخۆ و سەفین دزەیی، بەرپرسێ پەیوەندییێن دەرڤە و فەلاح مستەفا، شیرەتکارێ سەرۆکێ هەرێما کوردستانێ ڤە هێتە پێشوازیکرن.

ئاماژە کریە ژی، د چوارچووڤێ سەرەدانا خۆ دا بۆ هەرێما کوردستانێ، ڕۆژا پێنج شەمبی وەزیرێ دەرڤە یێ تورکیا دگەل مەسرور بارزانی، سەرۆکوەزیرێن هەرێما کوردستانێ و بەرپرسێن بلند، دێ کۆمبوونێن فەرمی دەستپێکەت.