پشتی نیڤرۆ یا ئەڤرۆ چارشەمبی 23 خزیرانا 2023، سەرۆک مەسعود بارزانی، سەرەدانا قەزایا بەردەڕەش کر و دگەل جەماوەر و تەخ و چینێن وێ دەڤەرێ کۆمبوو.
ل گۆرەی ڕاگەهاندنا بارەگایێ بارزانی، د کۆمبوونێدا سەرۆک بارزانی گۆتارەک پێشکێشی ئامادەبوویان کر و د ئاخفتنا خۆ دا ڕۆناهی ئێخستە سەر ڕەوشا ناڤخۆ یا هەرێما کوردستانێ و دوپاتی ل هندێ کر کو سەرکەڤتن د ئێکبوونێدایە و دێ بەردەوام بیت لسەر بزاڤێن خۆ بۆ بجهئینانا ئێکڕێزیێ لسەر بابەتێن نیشتیمانی و نەتەوەیی.
هەر گرێدای ڕەوشا ناڤخۆ یا هەرێمێ سەرۆک بارزانی ڕاگەهاند، نابیت لایەنێن سیاسی بکەڤنە سەر ڕێکەکێ بۆ دروستکرنا ئاریشەیان بۆ پارتی، یاریییا ب بابەتێن نەتەوەی بکەن و کار بکەن ژ بۆ لاوازکرنا هەرێما کوردستانێ، چونکی کوردستان د سەر پارتی و هەمی بەرژەوەندییێن دی دایە.
