<h3 style="text-align: justify;"><span style="font-size: 18pt;">ئارام محهمهد قادر وهزیرێ خواندنا بلند و ڤهكۆلینێن زانستى، زانكۆیێن ههرێما كوردستانێ راسپاردن وهكو سالێن بوورى، پترین دهرفهتێن خواندنێ بهردهست بكهن، داكو دهرفهت بۆ ههموو ئهوێن حهزدكهن ل زانكۆ و پهیمانگههان بخوینن پهیدابیت.</span></h3> <h3 style="text-align: justify;"><span style="font-size: 18pt;">وهزارهتا خواندنا بلند و ڤهكۆلینێن زانستى راگههاندنهك بهلاڤكر كو تێدا هاتییه، وهزیرێ خواندنا بلند و ڤهكۆلینێن زانستى سهرپهرشتییا كۆمبوونهكێ كر، كو رێڤهبهرێ گشتییێ خواندن و پلاندانان و دووڤچوونان، رێڤهبهرێ ناڤهندییێ وهرگرتنێ و رێڤهبهرێ تۆمارا ههموو زانكۆیێن حكومییێن ههرێما كوردستانێ تێدا د ئامادهبوون، دكۆمبوونێدا پلان و ئامادهكارییێن تایبهت ب وهرگرتنا قوتابییان بۆ سالا خواندنێ ( 2023 – 2024 )ێ هاتنه گوتوبێژكرن.</span></h3> <h3 style="text-align: justify;"><span style="font-size: 18pt;">ئارام محهمهد قادر وهزیرێ خواندنا بلند و ڤهكۆلینین زانستى ئاماژه ب هندێ كر، ئارمانج ژ ڤێ كۆمبوونێ دانانا میكانیزم و پلانا ئامادهكارییان بوو بۆ سالا نوو یا خواندنێ كو د بهرژهوهندییا دهرچوویاندا بیت، ههڤدهم گوت : ئهڤ ساله ژ چارچووڤێ بجهئینانا پلانهكا توكمه، دێ كار بۆ وهرگرتنا قوتابییان ل زانكۆ و پهیمانگههێن حكومى كهن.</span></h3> <h3 style="text-align: justify;"><span style="font-size: 18pt;">گوت ژى : ئهڤ ساله وهك سالێن پێشتر دێ پترین دهرفهتێن خواندنا گشتى بۆ كوڕان و كچێان پهیداكهن.</span></h3> <h3 style="text-align: justify;"><span style="font-size: 18pt;">وهزیرێ خواندنا بلند و ڤهكۆلینێن زانستى دووپاتكر، ئهو رێكێ نادهن بابهتێ دارایى ببیته ئهگهرێ ژ ناڤچوونا خهونا گهنجێن ههرێمێ.</span></h3>
