د. ئهمجهد عۆبێد گهڤهركی” رێڤهبهرێ باخداری ل پارێزگهها دهۆكێ” تایبهت بۆ ئاژانسا خانی دیار كر: ئهڤ ساله بهرههمێ تری ل پارێزگهها دهۆكێ ب ههڤبهر كرن ل گهل سالا بوری گهلهك كێمتره و د ههمان دهمدا ئهڤ ساله 50% ێ بهرههمێ تری دێ ژ سالا بوری كێمتر بیت” ئهڤ چهنده ژی ڤهدگهریت بۆ هاتنا بارانێن درهنگ و ئهو سهرمایا ل دووماهییا بهارا ئهڤ ساله هاتی وهكرییه كو بهرههمێ تری یێ كێم بیت.
ناڤهاتی گۆت ژی: ل سالا بوری 60 هزار تهنێن تری ل پارێزگهها دهۆكێ هاتبوونه بهرههم ئینان و ئهڤ ساله ئهو رێژه ب نیڤی بوویه و 30 هزار تهنێن تری دێ هێنه بهرههم ئینان و ئهڤ رێژه ژی تێرا خوارنا ناڤخۆیی ههیه” ل گهل هندێ ژی دڤێت ئێدی جۆتیار كوالێتییا بهرههمێن خۆ باش بكهن” داكو بهرههمێ وان باش ل بازاری بچیت” ل گهل هندێ ژی نێزیكی 125 جۆڕێن تری ل پارێزگهها دهۆكێ ههنه و پتری 50 تۆخمان ژ وان ل پێشانگههان دهێنه نیشاندان و ئهو جۆرێن تری ژی پتر ل بازاری دچن و خهلك پتر حهز ژ وان جۆران دكهن” دیسان ئهڤ ساله بهرههمێ سێڤێن بهروارییا ژی دێ بۆ دهرڤهیی وهلاتی هێنه هنارتن و ب ڤی رهنگی دێ جۆتیارێن وێ دهڤهرێ مفادار بن و ئێدی دێ بازار ژی بۆ بهرههمێ وان پهیدا بیت.
