<h3></h3> <h3><span style="font-size: 18pt;">ئاژانسا خانی:</span></h3> <h3></h3> <h3><span style="font-size: 18pt;">سەرۆكێ دەستەیا وەبەرهێنانێ ل هەرێما كوردستانێ گۆت: د كابینا نههێ یا حكومهتا ههرێما كوردستانێ نێزیكی 300 پرۆژان مۆلهت پێ هاتیه دان و ههروهسا نێزیكی 200 هزار دهلیڤێن كاری ژی بۆ وهلاتییان دابین كرینه، د ههمان دهمدا مه كۆمپانی ژی پابەند كرینە ب هندێ كو 75% ێ یا دهلیڤێن كاری بۆ خهلكێ ههرێما كوردستانێ بن" ل سالا 2019 ێ" مه مۆلەت دایه 15 پرۆژان و ل سالا 2020 ێ مه مۆلهت دایه 71 پرۆژان و ل سالا 2021 ێ مۆلهت دایه 70 پرۆژان و ل سالا 2022 ێ مه مۆلهت دایه 94 پرۆژان و ئەڤ ساله ژی مه مۆلهت دایه پتر ژ 50 پرۆژان و سهرجهمێ گشتی یێ وان پرۆژێن مۆلەت وهرگرتی ل ههیڤا 7 یا سالا 2019 ێ ههتا ههیڤا 7 یا ئهڤ ساله دگههنه نێزیكی 300 پرۆژان، ب كوژمێ 13 ملیار و 806 ملیۆن دۆلاران وهبهرهێنان ل كوردستانێ هاتییه كرن.</span></h3> <h3><span style="font-size: 18pt;">د. محەمەد شوكری، زێدهتر گۆت: د ڤان چار سالێن كابینا نههێ دا" دەستكەفتێن مهزن د ههموو بیاڤێن وەبەرهێنانێ دا د ڤێ كابینێ دا ب دهست ڤه هاتینه، پتر ژ هزار و 612 پرۆژێن وەبەرهێنانێ دڤی ماوهیی دا هاتینه پەسەند كرن و 300 پرۆژان مۆلەتێن وهبهرهێنانی وهرگرتینه، ههروهسا د كابینا نههێ دا" ئاراستەیا حكومەتا هەرێما كوردستانێ ئەو بوویە، پتر گرنگی ب هەرسێ كەرتێن پیشەسازی و چاندنێ و گەشتیاری بدەین، ئەڤ ههرسێ كەرتە ژی دێ بنه رێخۆشكەر بۆ گرنگیدانێ ب كەرتێن دیتر، د ههمان دهمدا پرۆژێن دیتر دبیاڤێن جۆدا یێن خزمهتگۆزاری هاتینه ئهنجامدان.</span></h3>
