پەیڤدارێ ڕێڤەبەرییا بەڕەڤانییا باژێڕی ل پارێزگەھا دھۆکێ ڕاگەهاند، وەزارەتا ناڤخۆ یا حكومەتا هەرێمێ دێ چەند كەسان وەرگریت كو وەك خۆبەخش كار بكەن ل نێزیكی وان ڕووباران یێن خەلك بۆ مەرەما مەلەڤانیكرنێ قەست دكەنێ.
بێوار عەبدولعەزیز، پەیڤدارێ ڕێڤەبەرییا بەڕەڤانییا باژێڕی ل پارێزگەھا دھۆکێ دیار ژی كر، ل پارێزگەھا دھۆکێ 13 کەس دێ ھێنە وەرگرتن و بۆ دەمێ سێ ھەیڤان دێ ھاریکارییێن دارایی وەرگرن، ئەو کەسە دێ ل سەر ڕووبار و جھێن گەشتییاری هێنە بەلاڤكرن و دێ هاریكارییا تیمێن نقومڤانان کەن ل دەمێ پەیدابوونا ڕوودانێن نەچاڤەرێكری.
