ده‌رگه‌هێ سنووری یێ کێلەشینێ دناڤبەرا و ھەرێمێ و ئیرانێ دا دێ ھێتە ڤەکرن

ئاژانسا خانی” تایبەت:

بڕیارە ده‌رگه‌هه‌كێ دی یێ سنووری دناڤبەرا ھەرێما کوردستانێ و ئیرانێ دا بھێتە ڤەکرن بەرپرسەکێ حوکمەتا ھەرێما کوردستانێ ژی دبێژیت، ھەموو بەرھەڤی بۆ ڤەکرنا مەرزێ کێلەشینێ ھاتینە کرن ل سنورێ قەزا سیدەکان.

عەبدولا ئاکرەیی، رێڤەبەرێ گشتییێ پەیوەندییێن ھەرێمێ و ئیرانێ بۆ ئاژانسا خانی دیار کر” بڕیارە مەرزەکێ دی دناڤبەرا ھەرێما کوردستانێ و ئێرانێ بھێتە ڤەکرن ئەوژی مەرزێ کێلەشینە ل سنورێ قەزا سیدەکان، بەری چەند رۆژان کۆمبوون دناڤبەرا مە و لایەنێ ئیرانێ دا ھەبوویە و ھەموو بەرھەڤی ھاتینە کرن بۆ ڤەکرنا خالا سنوورییا کێلەشینێ ل سنورێ قەزا سیدەکان، ب ڤەکرنا خلا سنووری یا کێله‌شینێ دێ بزاڤێن بازرگانی بەرەف زێدەبوونێ ڤه‌چن دناڤبەرا ھەرێمێ و ئیرانێ دا.

ناڤهاتی گۆت ژی” ژ بلی زێدەبوونا لڤینێن بازرگانی ب رێیا مەرزێ کێلەشینێ ئاریشەیێن سنووری ژی دێ ھێنە چارەسەر کرن، چونکی ئەو دەڤەرا خالا سنووری تێدا دھێتە ڤەکرن دێ ژلایێ ئەمنی ڤە ھێتە کۆنتڕۆل کرن و ھەر لڤینەکا ئەمنی بەری نوکە ھەبیت ل سەر سنوورێ ھەرێمێ و ئیرانێ ئەو ژی دێ ب دووماھی ھێت و دەڤەرا کێلەشینێ دێ سەقامگیرییێ ب خۆڤە بینیت.