<h3 style="text-align: justify;"><span style="font-size: 18pt;">ئهندامهكێ جڤاتا نوونهرێن عیراقێ راگههاند، سهربارى وان خۆنیشاندانێن ب دژى ڤهگهریانا پارتى بۆ كهركووكێ دهێنهكرن، پارتى دێ ههر ڤهگهریت و بارهگایێن خوه ل وى باژێرى ڤهكهت، ل دۆر نههنارتنا پشكا ههرێما كوردستانێ ژ بودجهیا گشتییا عیراقێ ژى ئاشكراكر، نههنارتنا پشكا ههرێمێ ژ ئهگهرێ وان فشارایه یێن ل سهر محهمهد شیاع سوودانى سهرۆكوهزیرێن عیراقێ ههین.</span></h3> <h3 style="text-align: justify;"><span style="font-size: 18pt;">د. خالد رێكانى ئهندامێ جڤاتا نوونهرێن عیراقێ ل سهر فراكسیۆنا پارتى بۆ ئاژانسا خانى دیاركر، حكومهتا ههرێما كوردستانێ پابهندییهكا تمام ب رێككهڤتنێن دگهل بهغدا كرییه، لێ حكومهتا عیراقێ وهكو پێدڤى پێگیرى نهكرییه و ژ هندهك رێككهڤتنان لێڤهبوویه، گهلهك فشار ل سهر محهمهد شیاع سوودانى سهرۆكوهزیرێن عیراقێ ههنه و ئهڤ چهنده بوویه ئهگهر كو ههتا نوكه پشكا ههرێما كوردستانێ ژ بودجهیا گشتییا عیراقێ نههاتییه هنارتن.</span></h3> <h3 style="text-align: justify;"><span style="font-size: 18pt;">سهبارهت پهسهندكرنا قانوونا نهفت و گازێ، خالد رێكانى ئاشكراكر، بریاربوو ل ڤێ حهفتییێ شاندێ حكومهتا ههرێما كوردستانێ بۆ دانوستاندكرنێ ل سهر قانوونێ سهرهدانا بهغدا بكهت، لێ ژبهر رێورهسم و ههلكهڤتێن شیعهیان چوونا شاندى هاته پاشخستن و دبیت ل حهفتییا بهێت سهرهدانێ بكهت، لێ لێكتێگههشتنهك دناڤبهرا ههردوو لایهناندا ههیه و ئهو دگهشبینن بگههنه رێككهڤتنێ و قانوونا نهفت و گازێ بهێته پهسهندكرن.</span></h3> <h3 style="text-align: justify;"><span style="font-size: 18pt;">زێدهتر خالد رێكانى ل دۆر ڤهگهریانا پارتى بۆ كهركووكێ ئاشكراكر، ئێك ژ مهرجێن رێككهڤتنا وان دگهل حكومهتا عیراقێ ئهوه كو پارتى ڤهگهریت و بارهگایێن خوه ل كهركووكێ ڤهكهت، ئهو خۆنیشاندانێن ب دژى ڤهگهریانا پارتى ل وى باژێرى دهێنهكرن، ژلایێ هندهك كهس و لایهنێن سیاسیڤه دهێنهكرن، لێ چ كارتێكرنێ ناكهن و پارتى دێ ب رێژهیا 100%ێ ڤهگهریته كهركووكێ.</span></h3> <h3 style="text-align: justify;"><span style="font-size: 18pt;">ل دۆر هنارتنا نهفتا ههرێما كوردستانێ ب رێكا بهندهرێ جهیهان یێ توركیا دیاركر، هاتنا وهزیرێ دهرڤه یێ توركیا بۆ عیراقێ و ههرێما كوردستانێ و كۆمبوونێن وى دگهل بهرپرسێن ههردوو لایهنان، بههرا پتر ل دۆر هنارتنا نهفتا ههرێمێ بوون و گوت: راگرتنا هنارتنا نهفتا ههرێمێ بههرا پتر زیان ب عیراقێ گههاندییه، ژبهركو ل دووڤ رێككهڤتنێ، ههرێما كوردستانێ دێ رێژهیا پێدڤى یا نهفتێ رادهستى عیراقێ كهت، بهێته هنارتن یان ژى نه، عیراق دێ ههر بهرامبهرى وێ پێگیرییێ كهت، لهوما زهرهرمهندا ئێكێ یا راگرتنا نهفتا ههرێما كوردستانێ، عیراقه.</span></h3>
