ده‌ست ب قێركرنا رێكێن تاخێن نوو یێن ئاكرێ هاته‌ كرن

سه‌رۆكێ باژێرڤانییا ئاكرێ راگه‌هاند، ب كوژمێ سێ ملیار و 99 ملیۆن دیناران ده‌ست ب پرۆژه‌یێ قێركرنا تاخێن نوو یێن قه‌زا ئاكرێ هاته‌ كرن.

بلند رزا زبێر سه‌رۆكێ باژێرڤانییا ئاكرێ ئاشكراكر، د به‌رده‌وامییا كاروانێ خزمه‌تكرنا كابینه‌یا نه‌هێ یا حكومه‌تا هه‌رێما كوردستانێ دا، ب كوژمێ سێ ملیار و 99 ملیۆن دیناران ده‌ست ب جهئینانا پرۆژه‌یێ قێركرنا رێكێن تاخێن نوو یێن ئاكرێ هاته‌ كرن كو پێكهاتینه‌ ژ تاخین گۆلان، نه‌ورۆز، ڕووناهى، سماقۆك، خه‌بات، كۆمه‌لگه‌ها فه‌رمانگه‌هان، كوشینه‌ و په‌یمانگه‌ها كۆمپیوته‌رى ل نێزیك سماقۆك دهێنه‌ قێركرن.

ئاشكرا ژى كر، پرۆژه‌یێ قێركرنا تاخێن نوو یێن ئاكرێ ژلایێ كۆمپانیا هێزڤه‌ دهێنه‌ بجهئینان و ژماره‌كا رێكێن گرنگ بخۆڤه‌ دگریت.