سوبه‌هى ل باژێرێ موناكۆ یێ فره‌نسى دێ پشكا قوناغا كۆمێن چامپیۆنز لیگێ بۆ وه‌رزێ 2023 – 2024 دێ هێته كێشان، كو 32 یانه دێ ل سه‌ر هه‌شت كۆمان هێنه به‌لاڤكرن، هه‌ر كۆمه‌ك دێ ژ چار یانه‌یان پێكهێت.
خۆلا ئسپانیا دێ ب پێنج نوونه‌ران ل پشككێشانێ به‌رهه‌ڤ بیت، ئه‌وژى یانه‌یێن ( ریال مه‌درید، بارسێلۆنا، ئه‌تله‌تیكۆ مه‌درید، ریال سۆسیداد و خۆدانا ناسناڤێ یورۆپا لیگێ یانه‌یا سیڤیلیا ).
خۆلا ئنگلته‌را دێ ب چار یانه‌یان پشكدارییێ كه‌ت ئه‌وژى ( قاره‌مانا خۆلێ یانه‌یا مانچێسته‌ر ستى، ئارسینال، نیۆكاسل یۆنایتد ئه‌وا دێ بۆ جارا ئێكی پشتى 20 سالان پشكدارییێ كه‌ت دگه‌ل یانه‌یا مانچێسته‌ر بۆنایتد).
خۆلا ئه‌لمانیا دێ چار نوونه‌ر هه‌بن ئه‌وژى ( بایرن میۆنخ، بورۆسیا دورتمۆند، لایپزیگ و یونیۆن بێرلین ).
هه‌روه‌سا خۆلا ئیتالیا دێ ب چار یانه‌یان پشكدارییێ كه‌ت ( ناپۆلى، ئینته‌ر میلان، میلان و لازیۆ ).
خۆلا پورتۆگال دێ سێ یانه هه‌بن ئه‌وژى ( بێنفیكا، پورتۆ و سپۆرتینگ براگا ).
خۆلا فره‌نسا دێ یانه‌یێن ( پاریس سانجێرمان و لانس ) هه‌بن.
زێده‌بارى یانه‌یێن فێینۆرد، یۆنگ بۆیز، گالاتا ساراى، سێلتیك، كرڤینا سڤیزدا، شاختار دونیتسك، سالسبۆرگ و چه‌ند یانه‌یێن دى یێن كو دی ب رێكا ڤاڤارتنان پشكدارییێ كه‌ن.
