<h3 style="text-align: justify;"><span style="font-size: 18pt;">قائیممقامێ قهزا سێمێلێ راگههاند، لژنهیهكێ ژ جڤاتا وهزیران سهرهدانا وان كر و كوژمهكێ پارهى بۆ بجهئینانا چهند پرۆژهیێن خزمهتگوزارى ل سنۆرێ قهزایێ تهرخانكر.</span></h3> <h3 style="text-align: justify;"><span style="font-size: 18pt;">خهلیل مهحموود قائیممقامێ قهزا سێمێلێ بۆ ئاژانسا خانى دیاركر، ل سهر راسپاردا مهسرور بارزانى سهرۆكێ حكومهتا ههرێما كوردستانێ، بهرى چهند رۆژان لژنهیهكێ ژ جڤاتا وهزیرێن ههرێما كوردستانێ سهرهدانا وان كر، پشتى دانوستاندنهكا درێژ ل دۆر كێم وكاسییێن قهزایێ و بجهئینانا چهند پرۆژهیێن گرنگ، رازیبوون ل سهر تهرخانكرنا 12 ملیار دیناران هاته دان.</span></h3> <h3 style="text-align: justify;"><span style="font-size: 18pt;">و گوت، ژ وى كوژمهى 10 ملیار دینار دێ بۆ دروستكرن و سهخبیركرنا چهند رێكان ب درێژاهییا 17 كیلۆمهتران ل سنۆرێ ههرسێ باژێرڤانییێن ( سێمێلێ ، مسێریكێ و تهناهییێ ) یێن سهر ب قهزا سێمێلێ ڤه بن، دوو ملیار دینارێن دى ژى بۆ كرینا ئامیران بۆ رێڤهبهرییێن خزمهتگوزارى سهر ب قهزا سێمێلێ ڤه هاتنه تهرخانكرن.</span></h3> <h3 style="text-align: justify;"><span style="font-size: 18pt;">دیار ژى كر : وان چهند پرۆژهیێن دى د كهرتێ پهروهردێدا بۆ لژنهیێ پێشكێشكرن، كو نێزیكى 10 قوتابخانهیان ل سنۆرێ ناحییا باتێلێ پێدڤى ب نووژهنكرنێ ههیه، ههروهسا چهند پرۆژهیێن ئاڤ و كارهبێ ژى بۆ چهند گوندان هاتنه پێشكێشكرن، ب تایهبتى گوندێ چهم زراڤێ كو ههتا نوكه كارهب نهگههشتییه وى گوندى، زێدهبارى روونكرنا رێكان.</span></h3> <h3 style="text-align: justify;"><span style="font-size: 18pt;">ههروهسا گوت: وان دوو پرۆژهیێن دى یێن گهلهك گرنگ پێشكێشى لژنهیێ كرن، ئهوژى پرۆژهیێ رێكا دناڤبهرا سهنتهرێ قهزا سێمێلێ و ناحییا خانكێدا، كو ئهو رێكه ئێك سایده و گهلهك خهبسه ل سهر وێ رێكێ ههیه و ئهڤ پرۆژه دێ پێدڤى ب دوو ملیار و 800 ملیۆن دیناران بیت، پرۆژهیێ ئاڤ رێژان ل نێزیك كۆلیژا چاندنێ و كۆلیژا ئهمریكى و دوو ملیار و 200 ملیۆن دینار دێ ل ڤى پرۆژهى هێنه مهزاختن، و گوت: ئهو دوێ باوهرێدانه رازیبوون ل سهر ڤان ههردوو پرۆژهیان بهێتهدان ژبهركو پرۆژهیێن گهلهك گرنگن.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، پارێزگارێ دهۆكێ رازیبوون ل سهر مهزاختنا نێزیكى شهش ملیار و 500 ملیۆن دیناران ژ بودجهیا پهرهپێدانێ بۆ بجهئینانا چهند پرۆژهیێن رێكێن ناڤخۆ یێن سهنتهرێ سێمێلێ و سنۆرێ قهزایێ دایه.</span></h3> <h3 style="text-align: justify;"><span style="font-size: 18pt;">ئاشكرا ژى كر، وان داخوازا ڤهكرنا چهند رێڤهبهرێن گرنگ یێن كو وان پێدڤى پێ ههى ل سنۆرێ قهزایێ كرییه.</span></h3>
