سەگڤان سندی، جێگرێ سەرۆكێ لیژنا ئاسایش و بەرگرییێ ل پەڕلەمانێ عیراقێ ب دەزگەهێن میدیایی ڕاگەهاند، 10 هزار سەرباز دێ هێنە وەرگرتن و كێمترین مووچەیێ وان ژی 750 هزار دینارە. ل دویڤ مەرجێن وەزارەتا بەرگرییێ پێدڤییە ژیێ پێشكێشكاری دناڤبەرا 18 بۆ 30 سالییێ دا بیت و خواندن و نڤیسینێ بزانیت. پشتی پڕكرنا فۆرمان و جوداكرنا وان چاڤپێكەڤتن دێ ل گەل پێشكێشكاران هێتەكرن و پاشان پشكنینێن ساخلەمییێ دێ بۆ هێنەكرن و ئەوێن دهێنە وەرگرتن دێ بۆ دەمێ سێ هەیڤان مەشق پێ هێتەكرن.
ل دویڤ گۆتنا سەگڤان سندی، وەلاتییێن هەرێما كوردستانێ ژی دشێن داخوازییێن خۆ پێشكێشبكەن بۆ دامەزراندنێ د ڕێزێن سوپایێ عیراقێ دا، لێ ئەگەر هەیە بچنە پارێزگەهێن هەڤسنوری یێن هەرێما كوردستانێ ل نەینەوا و كەركووك و سەلاحەددین و دیالە.
ئەڤە ئێكەم جارە پشتی سالا 2014 سوپایێ عیراقێ دەرگەهێ دامەزراندنێ بۆ سەربازێن سوپای ڤەدكەت و دامەزراندنا وان 10 هزار سەربازان دناڤ یاسایا بوودجا عیراقێ دا بۆ سالێن 2023، 2024، 2025 هاتییە جێگیركرن.
