ژ سوبه‌هى‌ وێڤه‌ هه‌ر كۆمپانییه‌كا كرێكارێن وێ 75%ێ یێن ناڤخۆ نه‌بن دێ هێته‌ سزادان

ئاریان ئه‌حمه‌د په‌یڤدارێ وه‌زاره‌تا كار و كاروبارێن جڤاكییا حكومه‌تا هه‌رێما كوردستانێ راگه‌هاند، سوبه‌هى دووماهى ژڤانه‌ بۆ كۆمپانییان كو رێژه‌یا كرێكارێن كورد دناڤ كۆمپانییێن خوه‌دا بكه‌نه‌ 75%ێ، ژ وێ رێژه‌یێ ژى دڤێت 70%ێ یا وان كوردان گه‌نج بن، لێ ئه‌و بریاره‌ به‌هرا پتر بۆ وان كۆمپانییایه‌ یێن ژ نوو هاتینه‌ دانان و كۆمپانییێن موله‌تا وان تمام بوویى و داخوازا موله‌تا نوو دكه‌ن، ئه‌گه‌ر ئه‌و كۆمپانییه‌ ڤێ بریارێ بجهنه‌ئینن، موله‌ت پێ ناهێته‌دان.

ئاریان ئه‌حمه‌دى ئاشكرا ژى كر، وه‌زاره‌تا كار و كاروبارێن جڤاكى ب سه‌رۆكایه‌تییا شیره‌تكاره‌كێ وه‌زیرێ كار و كاروبارێن جڤاكى، لژنه‌یه‌ك بۆ چاڤدێریكرنا بریارێ پێكئینایه‌ و چاڤدێرییا كۆمپانییان دكه‌ن، داكو بزانن هه‌تا چ راده‌ بریار هاتییه‌ بجهئینان.