ئاژانسا خانی:
بڕیارە پرۆژێ کۆڕنیشی ناحیا شێلادزێ ژ لایێ حکومەتا هەرێما کوردستانێ ڤە ل سەر ڕووبارێ ئاڤاشین بهێته دروست كرن.
وارشین سه‌لمان، قایمقامێ قەزا ئامێدیێ، بۆ ئاژانسا خانی گۆت: ب بڕیارا سه‌رۆكی حکومەتا هەرێما کوردستانێ کۆڕنیشێ ناحیا شێلادزێ ل سەر ڕووبارێ ئاڤاشین دێ هێته دروست كرن و نوكه ئه‌و پرۆژه د قووناغا دیزاینكرنێ دایه و هه‌ر ده‌مێ دیزاین ب دووماهی بهێت دێ ده‌ست ب چێكرنا وی پرۆژه‌یی هێته كرن.
ناڤهاتی گۆت ژی: ئه‌م ب هیڤی نه ئه‌و پرۆژه ل سالا 2024 ێ بھێته چێكرن و بكه‌ڤیته دخزمه‌تا خه‌لكێ وێ ده‌ڤه‌رێ دا” دیسان ئه‌و پرۆژه دێ ب درێژاهییا كیلۆمه‌تره‌كێ هێته چێكرن و ب چیكرنا وی پرۆژه‌یی دێ كه‌رتێ گه‌شتییاری ل ناحیا شێلادزێ ڤه‌ژاندنا باش ب خۆڤه بینیت.
