ژنهكا ئیرانی ل باژێرێ مەحمود ئاباد یا سەر ب پارێزگهها مازەندەران ڤه” ب پلانهكا پێشوەخت ههڤژینییا سیغە ل گەل حهفت زهلامان كرییه و پاشی كوشتینه.
حەسەن موفخەمی، فەرماندێ پۆلیسێن پارێزگهها مازندەران ئاشكرا كر، ل چەند ڕۆژێن بوری خێزانهكا باژێرێ مەحمود ئاباد” ژ ئهگهرێ ههبوونا گومانێ ل سهر شێوێ گیان ژ دەستدانا بابێ وان یێ 82 سالی سكاڵایەك ل بنگههێ پۆلیسێن وی باژێری تۆمار كرییه و وان ژی دووڤچوون بۆ كرییه.
گۆت ژی: ل دهمێ ڤهكۆلینێ دا ههڤژینا وی زهلامی كو ژنهكا 56 سالییه، ل دهمێ ڤهكۆلینێ دا دانپێدان ب كوشتنا ههڤژینێ خۆ كرییه و وی ژنێ گۆتییه” ب پلانا پێشوەخت چەند جاران حەبێن پەستانا خوینێ دناڤا پەرداخهكێ ئاڤێ دا دایه مێرێ خۆ و پشتی بێهۆشبوونێ مێرێ خۆ خهندقاندییه.
ههروهسا وێ ژنێ دانپێدان ب كوشتنا شهش كهسێن دیتر دا كرییه” كو وێ ژنی ب رێیا ههڤژینییا سیغێ ڤه كەسێن دانعهمر یێن حەفتێ و پێنج بۆ هەشتێ و پێنج سالێ هەلبژارتینە كو دەولەمەند بوون و پشتی كوشتنا وان داخوازا مههرهیا خۆ كرییە.
