شاخەوان عەبدوللا:  ل شاڤا بوری ئه‌م شییاین 26 گه‌نجێن كه‌ركووكێ ئازاد بكه‌ین

ئاژانسا خانی:

ھێزێن عێراقی ب به‌هانه‌یا هندێ كو گه‌نجێن كورد پشكداری د خۆنیشاندانێن كه‌ركووكێ دا كرینه‌ 30 گەنجێن کورد ل کەرکووکێ ده‌سته‌سه‌ر كرن‌، بەلێ هه‌ر زوو جێگرێ سەرۆکێ پەرلەمانێ عێراقێ ھاتە سەرخەت و شییا 26 گەنجان ژ وان ئازاد بكه‌ت.

جێگرێ سەرۆکێ پەرلەمانێ عێراقێ دیار كر: پشتی خۆنیشاندانێن كه‌ركووكێ” سۆپایێ عیراقێ 30 گەنجێن کورد دەسته‌سه‌ر کربوون، ب ره‌نگه‌كێ به‌رده‌وام ئه‌م ل گه‌ل حكومه‌تا عیراقێ د په‌یوه‌ندییان دا بووین و ئه‌م شییاین 26 گه‌نجان ژ وان ئازاد بکەین و ئه‌و گه‌نجه‌ ڤه‌گه‌ریانه‌ دناڤا كه‌س و كارێن خۆ دا.

د. شاخەوان عەبدوللا، زێده‌تر گۆت: پشتی وێ خۆنیشاندانا كوردان ل كه‌ركووكێ” سۆپایێ عێراقێ 30 گەنجێن کورد گرتن و لدووڤ دا ئه‌و گه‌نجه‌ رادەستی ھەوالگێرییا کەرکووکێ کرن، به‌لێ ئه‌م ب ره‌نگه‌كێ جددی ل سه‌ر خه‌ت بووین و ئه‌م شییاین 26 گه‌نجان ژ وان ل شه‌ڤا بوری ئازاد بکەین و هه‌موو ڤه‌گه‌ریانه‌ دناڤا کەس و کارێن خۆ دا” هه‌لبه‌ته‌ ئازادکرنا وان گەنجێن كورد یێن كه‌ركووكێ ل سەر راسپاردەیێن مه‌ بووینە و ئه‌م دێ د بەردەوام بین ل سەر بزاڤێن خۆ” داكو ئه‌وێن ماین ژی بهێنه‌ ئازاد كرن.