ده‌واما زانكۆیێن دهۆك و سه‌لاحه‌دین یا هه‌ولێرێ ده‌ستپێكر، سه‌رۆكێ زانكۆیا دهۆكێ دیاركر، پشكه‌كا نوو ل كۆلیژا كارگێرى و ئابوورى هاتییه ڤه‌كرن.
ئه‌ڤرۆ چارى ئه‌یلولا 2023ێ هه‌ولێر و دهۆكێ ده‌واما زانكۆیان ده‌ستپێكر، داوود ئه‌ترۆشى سه‌رۆكێ زانكۆیا دهۆكێ بۆ ئاژانسا خانى دیاركر، ئه‌ڤرۆ وان ب فه‌رمى ده‌ست ب ده‌وامێ كرییه، ژ دووهى ده‌ست ب به‌لاڤكرنا پشكێن ناڤخۆ یێن قوتابییان هاتییه كرن، وان چ ئاریشه د بابه‌تێ پشكێن ناڤخۆدا نینن، هه‌ر ده‌مێ قوتابییێن نوو یێن كو پێدڤى ب پشكێن ناڤخۆ هه‌یى، ده‌ست ب ده‌وامێ كر، دێ پشكێن ناڤخۆ ل سه‌ر وان هێنه به‌لاڤكرن.
گوت ژى: پشكه‌كا نوو ل كولیژا كارگێرى و ئابوورى هاتییه ڤه‌كرن، كو تایبه‌تمه‌ندییا وێ بازاركرن ( ماركێتینگ )ه، هه‌روه‌سا كۆلیژا هونه‌رێن جوان ژى ب هه‌ردوو پشكێن شانۆ و شێوه‌كارى هاتییه دانان، ل سالێن بهێن ئه‌ڤ كۆلیژه دێ هێته به‌رفره‌هكرن و پشكێن وێ یێن دى ژى دێ هێنه ڤه‌كرن.
سه‌باره‌ت وه‌رگرتنا قوتابیان ئاشكراكر، هه‌تا نوكه پلانا وان تمام نه‌بوویه كۆلیژا په‌روه‌ردا ئاكرێ ژ وان جۆدابوویه له‌وما ئه‌ڤ ساله دێ ژمارا وه‌رگرتنا قوتابییان ژ سالێن بوورى كێمتر بیت.
سه‌رۆكێ زانكۆیا دهۆكێ ل دۆر ئێكپۆشییا جلۆبه‌رگان دیاركر، چ داخوازى ژلایێ قوتابییانڤه ل دۆر ڤى بابه‌تى بۆ وان نه‌چووینه، وان نیازێن ئێكپۆشییا جلۆبه‌رگان نینن
