ئەڤرۆ سێشەمبی رێکەفتی ٢٠٢٣/٩/٥ێ ل دیوانا وەزارەتا چاندنێ کۆمبوونا ئاساییا جڤاتا شیرەتکاری ب ئامادەبوونا ئەحمەد جەمیل رێڤەبەرێ گشتیێ چاندنێ ل پارێزگەها دهۆکێ و بریکار و هەمی ئەندامێن جڤاتێ هاتە ئەنجامدان.
تێدا سەرباری خواندنا راپۆرتا دیڤچوونا بڕیار و راسپاردەیێن کۆمبوونا پێشتر، چەندین مژارێن گرێدایی، کێشەیێن جوتیاران و خۆدان پرۆژێن چاندنێ و ئاژەلداری و پرۆژێن ئاڤدێری و ب بازاڕکرنێ هاتنە گەنگەشە کرن.
د تەوەرەکا دی دا پیشەسازی کرنا بەروبومێن چاندنێ و دابینکرنا پێتڤیێن وەلاتیان و بهێزکرنا ژێرخانا ئابوریا جوتیاران و دابینکرنا ئاسایشا خۆراک و ئاڤێ هاتنە گۆتوبێژ کرن.
د دوماهیکێ دا ژی سەرباری دارشتن و پەسەندکرنا چەندین بڕیار و راسپاردەیێن گرنگ، ئەندامێن جڤاتێ هاتن راسپاردن هەمی ئاسانکاریا بکەن و رۆتینێ بۆ پرۆژێن خزمەتگوزاری یێن چاندنێ و سامانێن ئاژەلی کێم بکەن.
