ئەڤرۆ ئاكنجیێن دهۆكێ و سنۆرێ پارێزگەهێ پەیامەكا مورالیا بهێز گەهاندە هەمی جیهانێ

سەندیكاو رێكخراو كومەلێن مەدەنی ل سنۆرێ پارێزگەها دهۆكێ په‌یامه‌كا سۆپاسیێ به‌لاڤكر ” ئه‌ڤا ل خوارێ ده‌قێ وێ یه‌:

بۆ رێزداران پارێزگارێ دهۆكێ و سەرجەم بەرپرسێن كارگێری ل سنۆرێ پارێزگەهێ و دەزگەهێن ئاسایش و پۆلیس و پێشمەرگەی.

بابەت/ سوپاس و پێزانین

سلاڤ و رێزگرتن:

ب پێدڤی دزانین بناڤێ سەرجەم جەماوەرو تەخ و چینێن سنۆرێ پارێزگەها دهۆكا خوشتڤی گەلەك سوپاسیا هاریكاری و ماندیبون و دلسۆزیا هەوەیێن هێژا بكەین.
كو وە پشتەڤانیا تەماما سەركەفتنا خۆنیشاندانا ئاشتیانەیا جەماوەرێ دهۆكێ كر، ئەڤرو ئاكنجیێن دهۆكێ و سنۆرێ پارێزگەهێ پەیامەكا مورالیا بهێز گەهاندە هەمی جیهانێ ب گشتی و حكومەتا عیراقا فیدرال ب تایبەتی كو پێدڤی یە رێز ل مافێن دەستۆری و مێژوویی و شایستەیێن دارایی و موچەو ئاخ و خەلكێ كوردستانێ بهێتە گرتن.
كوردستانی هەمی پێكڤە د گەل پێكڤەژیانێ نەو سیاسەتا خۆ سەپاندنێ رەت دكەن ل سەر هەرێما كوردستانێ، هەروەسا پەیاما جەماوەری ئەڤروكە د گەل كەركوكیان دابوو، بۆ خۆ راگری و بەرخودانا وان.

ئێدی بۆ پێشڤە لبن سێبەرا ئالایێ پیرۆزێ كوردستانێ

سەندیكاو رێكخراو كومەلێن مەدەنی ل سنۆرێ پارێزگەها دهۆكێ
5-9-2023