<h3 style="text-align: justify;"><span style="font-size: 18pt;">ب دههان هزاران جۆرێن ماددهیێن بیهۆشكهر ل ههولێرێ هاتنه سۆتن و ژناڤبرن، ئهفسهرهكێ رێڤهبهرییا گشتییا نههێلانا ماددهیێن بێهۆشكهر دبێژیت: د حهفت ههیڤێن دهستپێكێ یبێن ئهڤ سالهدا 756 كهس ب تۆمهتا بكارئینان و بازرگانیكرنێ ب ماددهیێن بێهۆشكهر هاتنه دهستهسهركرن.</span></h3> <h3 style="text-align: justify;"><span style="font-size: 18pt;">رێڤهبهرییا گشتییا نههێلانا ماددهیێن بێهۆشكهر ل ههرێما كوردستانێ ب هزاران جۆرێن ماددهیێن بێهۆشكهر كو ژ ( حهب، دهرزى، شرۆب، گیا و پایتان ) پێكهاتبوون ژناڤبرن.</span></h3> <h3 style="text-align: justify;"><span style="font-size: 18pt;">ئهحمهد ئهحمهد ئهفسهر ل رێڤهبهرییا گشتییا نههێلانا ماددهیێن بێهۆشكهر ئاماژه ب هندێ دا، ژ رێككهڤتى 1-1-2023ێ ههتا 31-7-2023ێ نێزیكى 600 پهرێن لێكۆلینێ بۆ ( كهیسێن تایبهت ب ماددهیێن بێهۆشكهر ) هاتینه ڤهكرن و ههموو ژ قووناغا لێكۆلینێ دهربازبووینه و رهوانه دادگههێ هاتینه كرن، لێ ههتا نوكه ئاریشهیێن وان نههاتینه ئێكلاكرن.</span></h3> <h3 style="text-align: justify;"><span style="font-size: 18pt;">ل دۆر ژمارهیا ئهوان بازرگان و بكارهێنهرێن ماددهیێن بێهۆشكهر كو ژلایێ رێڤهبهرییا وانڤه هاتینه دهستهسهركرن، ئهحمهد ئهحمهدى گوتى : ژ رێككهڤتى 1-1-2023ێ ههتا 31-1-2023ێ ئهو شیان 276 بازرگان و 485 بكارهێنهرێن ماددهیێن بێهۆشكهر دهستهسهربكهن كو سهرجهمێ گشتى دگههیته 756 كهسان.</span></h3>
