شاخەوان عەبدوللا: پێدڤییە بەغدا هەیڤانە 750 ملیار دیناران بۆ مووچەیێن هەرێمێ بهنێریت

جێگرێ سەرۆكێ پەڕلەمانێ عیراقێ ڕاگەهاند، ل دویڤ یاسایا بودجێ پێدڤییە بەغدا هەیڤانە 750 ملیار دیناران بۆ مووچەیێ فەرمانبەرێن هەرێمێ بهنێریت.

شاخەوان عەبدوللا، جێگرێ سەرۆكێ پەڕلەمانێ عیراقێ د كۆنفڕانسێ تایبەت ب وەبەرهێنان و گەشتییاری ڤە ل هەولێرێ ڕاگەهاند، یاسایا بودجێ ب نەفەسەكا شۆڤێنی دژی مافێن هەرێما كوردستانێ هاتییە نڤیسین، ژبەركو ل جهێ كو پڕۆژەیەكێ دارایی بیت، بەرگەكێ سیاسی ل بەر هاتییەكرن.
دیار ژی كر، ل دویڤ یاسایا بودجا عیراقێ كو ل پەڕلەمانی دەنگ ل سەرهاتییەدان، پێدڤییە بەغدا هەیڤانە بۆ مووچەیێ فەرمانبەران 750 ملیار دیناران ڕەوانەی هەرێما كوردستانێ بكەت ژبلی بودجا وەبەرهێنانێ.