<h3 style="text-align: justify;"><span style="font-size: 18pt;">ئەندامەكێ لژنەیا دارایی ل پەرلەمانێ عیراقێ دووپاتكر، كهس نهشێت سكالایێ ل سهر هنارتنا وان 800 ملیار دیناران تۆماربكهت، یێن كو دێ ههیڤانه ب شێوهیێ قهر ژلایێ حكومهتا عیراقێڤه بۆ ههرێما كوردستانێ هێنه هنارتن.</span></h3> <h3 style="text-align: justify;"><span style="font-size: 18pt;">د. خهلیل غازى : ئهندامێ لژنهیا دارایى ل پهرلهمانێ عیراقێ بۆ ئاژانسا خانى دیاركر، جڤاتا وهزیرێن عیراقێ دكۆمبوونێدایه بۆ گوتوبێژكرنا پێشنیازێن شاندێ حكومهتا ههرێما كوردستانێ بۆ چارهسهركرنا ئاریشهیا فهرمانبهر و مووچهخۆرێن ههرێما كوردستانێ، چاڤهرێ دهێتهكرن جڤاتا وهزیران بریارێ ل سهر هنارتنا 800 ملیار دیناران ب شێوهیێ قهر بۆ ههرێما كوردستانێ بدهت.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، ئهو پارهیه دێ ژلایێ ههردوو بانكێن رهشید و رافیدهین یێن عیراقێڤه هێته خهرجكرن و بۆ شهش ههیڤان، ژ ( ههیڤا حهفت ههتا ههیڤا 12 یا ئهڤ ساله ) یا بهردهوان بیت.</span></h3> <h3 style="text-align: justify;"><span style="font-size: 18pt;">ئهندامێ لژنهیا دارایى ل پهرلهمانێ عیراقێ دووپاتى ل هندێ كر، كهس نهشێت سكالایێ ل سهر هنارتنا وان 800 ملیار دیناران تۆماربكهت، یێن كو دێ ههیڤانه ب شێوهیێ قهر ژلایێ حكومهتا عیراقێڤه بۆ ههرێما كوردستانێ هێنه هنارتن، قهركرن ل عیراقێ تشتهكێ ئاساییه و ههموو كهس دشێن قهران بكهن.</span></h3> <h3 style="text-align: justify;"><span style="font-size: 18pt;">ل دووڤ ئاخڤتنێن خهلیل غازى، بههرا پتر یا وان لایهنێن سیاسى دماوێ چهند رۆژێن بووریدا دگهل شاندێ حكومهتا ههرێما كوردستانێ ب سهرۆكایهتییا سهرۆكوهزیران مهسرور بارزانى، پشت راستى دایه كو ئاریشهیێن داراییێن خهلكێ ههرێما كوردستانێ چارهسهر بكهن.</span></h3> <h3 style="text-align: justify;"><span style="font-size: 18pt;">خهلیل غازى ئاشكراكر، برگهیا قانوونییا بودجهى كو خهرجییان ب خهرجییێن راستهقینه (ئینفاقی فیعلییەوە) گرێددهت، رێگره ل بهردهم خهرجكرنا مووچهیێ فهرمانبهر و مووچهخۆرێن ههرێما كوردستانێ، لهوما ههموو لایهنین سیاسى رهزامهندییا خوه ل سهر پێدانا ههیڤانه 800 ملیار دیناران ب شێوهیی قهر بۆ ههرێما كوردستانێ دهربرییه، ل دووماهییا سالی ژى دگهل خهرجییێن داهاتێ گشتییێ ههرێما كوردستانێ دێ هێنه پاكتاو كرن.</span></h3>
