ده‌قێ راگه‌هاندنا مه‌سرور بارزانى سه‌رۆكوه‌زیرێن هه‌رێما كوردستانێ ل دۆر هنارتنا مووچه‌ى .
پشتبه‌ستن ب خۆدایێ مه‌زن و ئیراده‌یا بهێز یا گه‌لێ مه، ئه‌م شیاین به‌رگرییێ ل مافێ خه‌لكێ كوردستانێ بكه‌ین و دگه‌ل سه‌رۆكوه‌زیرێن فیدرال به‌رێز محه‌مه‌د شیاع سوودنى بگه‌هینه رێككه‌ڤتنه‌كا گونجاى بۆ دابینكرنا مووچه‌یێ وه‌لاتییان.
سوپاس بۆ بهێنفره‌هییا نیشتیمانییێن خۆراگر كو باوه‌رى ب حكومه‌تا خوه ژ ده‌ست نه‌دا، سوپاس بۆ جه‌نابێ سه‌رۆك بارزانى كو پشته‌ڤان و رێنیشانده‌رێ مه‌بوو بۆ زالبۆن ل سه‌ر ئاسته‌نگان، سوپاس بۆ پشته‌ڤانى و رۆلێ سه‌رۆكێ هه‌رێما كوردستانێ بۆ پشته‌ڤانیكرن و سه‌رخستنا پرۆسه‌یا دانوستاندنان دگه‌ل حكومه‌تا فیدرال، سوپاس بۆ لایه‌نێن سیاسییێن عیراقێ كو پشته‌ڤانێن مه بوون، سوپاس بۆ لایه‌نێن سیاسییێن كوردستانێ و فراكسیۆنێن كوردستانى ل په‌رله‌مانێ عیراقێ كو پشته‌ڤان و ئێك ده‌نگ بوون ل سه‌ر به‌رده‌ستكرنا مافێن مووچه‌خۆرێن هه‌رێما كوردستانێ، سوپاس بۆ شاندێ حكومه‌تا هه‌رێما كوردستانێ كو بێى وه‌ستییان و ب هه‌سته‌كێ پرى به‌رپرسیارى شیان ل سه‌ر ڤى ئه‌ركێ ب زه‌حمه‌ت ب سه‌ركه‌ڤن، ب پشته‌ڤانییا خۆدایێ مه‌زن دێ ل سه‌ر حزمه‌تكرنا وه‌لاتییێن خۆشتڤى دبه‌رده‌وامبین و رێكێ ب بزاڤێن نه‌زوك ناده‌ن كو سه‌قامگێرییا كوردستانێ تێك بده‌ن.
