مه‌سرور بارزانى سوپاسییا محه‌مه‌د شیاع سوودانى كر

مه‌سرور بارزانى د په‌یوه‌ندییه‌كا تله‌فۆنیدا سوپاسییا سه‌رۆكوه‌زیرێن فیدرال كر.

مه‌سرور بارزانى سه‌رۆكێ حكومه‌تا هه‌رێما كوردستانێ ب رێكا تله‌فۆنێ دگه‌ل سه‌رۆكوه‌زیرێن فیدرال محه‌مه‌د شیاع سوودانى ئاخڤت.

سه‌رۆكێ حكومه‌تێ سوپاسییا پشته‌ڤانییا سه‌رۆكوه‌زیرێن فیدرال كر بۆ گه‌هشتن ب وێ رێككه‌ڤتنێ ل دۆر دابینكرنا مووچه‌یێ مووچه‌خۆرێن هه‌رێما كوردستانێ.

سه‌رۆكێ حكومه‌تا هه‌رێما كوردستانێ هیڤى خواستن ئه‌ڤ رێككه‌ڤتنه‌ ببیته‌ بنه‌مایه‌ك بۆ چاره‌سه‌ركرنا هه‌موو ئاریشه‌یێن دناڤبه‌را هه‌رێما كوردستانێ و حكومه‌تا فیدرالدا ب رێكا دانوستاندنان و ل دووڤ ده‌ستوورى و رێككه‌ڤتنان.