<h3 style="text-align: justify;"><span style="font-size: 18pt;">خالد شوانى وهزیرێ داد یێ عیراقێ راگههاند، ئهوان دڤێت ههڤشێوهیێ مووچهیێ باژێرێن دى یێن عیراقێ، ل ههرێما كوردستانێ ژى مووچهیێ فهرمانبهران ژ دهرڤهى بودجهى بهێته دابینكرن، ئهندامهكێ جڤاتا نوونهران ژى دبێژیت: بزاڤ ههبوون ئهڤ بریارا جڤاتا وهزیرێن عیراقێ بهێته راگرتن، لێ سهرنهگرتن.</span></h3> <h3 style="text-align: justify;"><span style="font-size: 18pt;">ل دووڤ ئاخڤتنێن خالد شوانى، ئهو پارهیێ بهغدا دێ هنێریت، بۆ ههیڤێن 11.10.9یێن فهرمانبهرێن ههرێما كوردستانێ یه كو دێ ب شێوهیێ ههیڤانه هێته هنارتن.</span></h3> <h3 style="text-align: justify;"><span style="font-size: 18pt;">ژلایهكێ دیڤه د. خالد رێكانى ئهندامێ جڤاتا نوونهرێن عیراقێ بۆ ئاژانسا خانى دیاركر، ئهو پارهیێ هاتییه دهستنیشانكرن كو بۆ ههرێما كوردستانێ بهێته هنارتن، وهكو چارهسهرییهكێ یه بۆ ڤێ قووناغێ و دانوستاندن ل سهر بابهتێن مووچهى و بودجهیا ههرێما كوردستانێ دبهردهوامن.</span></h3> <h3 style="text-align: justify;"><span style="font-size: 18pt;">خالد رێكانى ئاماژه ب هندێ دا، هندهك لایهنان بزاڤ دكرن رێگرییێ ل ڤێ بریارا جڤاتا نوونهرێن عیراقێ بكهن، لێ بزاڤێن وان سهرنهگرتن.</span></h3>
