<h2>سێ ئەندامێن کۆنگرێسێن ئەمریکا ل لژنا پەیوەندییێن دهرڤه یا جڤاتا نوونهران، د نامەیەکا فەرمیدا داخواز ژ سەرۆکێ ویلایەتا ئێكگرتییا ئەمریکا كر، کو ههمى بزاڤان بكهن دووماهیكێ ب ئهوان ڕهفتاران بینن یێن دژى ههرێما كوردستانێ دهێنهكرن.</h2> <h2><strong> </strong></h2> <h2>ئهڤ نامهیه ژ ئالییێ ههر سێ کونگرێسمان مایکل والتز و مایکل مەکۆل و جۆو ویلسنی، سەرۆکێ لژنا پهیوهندییێن دهرڤه ب فهرمى ئاراستهیى سهرۆكێ ئهمریكا هاتهكرن و تێدا نڤێسییە، "داخواز دكەین كو هەمی بزاڤان بكەی بۆ ب دووماهیكئینان ب ئەوێ ڕەفتارا نەقەبیلكری د دەرهەقێ وەلاتییێن كوردێن عیراقێ و حكومەتا هەرێما كوردستانێ دهێتەكرن".</h2> <h2></h2> <h2>هەروەسا ئەوان ئەندامێن کۆنگرێسێ د نامەیێدا بەحسێ ڕۆلێ دیرۆك و پشتەڤانییا هەرێما کوردستانێ بۆ ئەمریکا كر و گازندە ژ فشارێن سیاسی و ئابووری و یاسایی كر كو یێن ل دژی هەرێما كوردستانێ دهێنە بكارئینان.</h2> <h2></h2> <h2>هەر سێ ئەندامێن کۆنگرێسێن ئەمریکا داخواز ژ جۆ بایدن كر، ستراتیژییەكا نوی بۆ عیراقێ داڕێژیت و دانوستاندنێ ل سەر ئەوان ئاریشەیان دگەل سەرۆکوەزیران، محەمەد شیاع سوودانی د چارچووڤێ سەرەدانا وی بۆ نیویۆرك بكەت.</h2>
