<h3></h3> <h3>ئاژانسا خانی:</h3> <h3>د روونشتنا دوهی دوشهمبی" یا پەرلەمانێ عێراقێ" بابهتێ پارێزگههبوونا هەلەبجە بۆ ئهڤرۆ سێشهمبی هاته پاشخستن، بەلێ ئهڤرۆ ژی ئهو کۆمبوونە نههاته كرن و کۆمهكا لایەنێن سیاسی یێن عیراقی و ب تایبهتی ژی عهرهبێن شیعی ل گەل پارێزگههبوونا هەلەبجە دا نینن، لهما یا دیار نینه كانێ كهنگی ئهو کۆمبوونا پەرلەمانی دێ هێته کرن؟."</h3> <h3>خالد رێكانی" ئهندامێ پهرلهمانێ عیراقێ ل سهر فراكسیۆنا پارتی دیموكراتی كوردستان" بۆ ئاژانسا خانی گۆت: ئهڤرۆكه ژی كۆمبوونا پهرلهمانێ عیراقێ نههاته ئهنجامدان" ژبهر بهرههڤنهبوونا پهرلهنتارێن لایهنێن سیاسی یێن عهرهبی و ب تایبهتی ژی پهرلهمانتارێن لایهنێن شیعی" پهرلهمانتارێن عهرهبان نهڤێن دناڤا هۆلا پهرلهمانی دا بهرههڤ ببن" داكو دهنگی ب وی پرۆژه یاسایی نهدهن" د ڤێ خولا پهرلهمانی دا من باوهری نینه" دهنگدان ب وی پرۆژه یاسایی بهێته دان" د ڤێ رهوشا نوكه دا ئهز نهیێ گهشبینم" كو عهرهب دهنگی ل سهر بابهتێ پارێزگههبوونا ههلهبجه بدهن.</h3> <h3>ناڤهاتی گۆت ژی: مه وهكو فراكسیۆنێن كوردی ئیمزایێن پهرلهمانتارێن كۆم كرینه" مه داخواز كرییه كو كۆمبوون بهێته كرن" بهلێ نیسابێ پهرلهمانی كامل نابیت" لهوما دهنگدان ل سهر بابهتی ناهێته كرن" عهرهبێن شیعی رازی نابن كو ئهو پرۆژه یاسایه بهێته بجهئینان و دهنگدان ل سهر بهێته كرن" ئهز نهیێ گهشبینم ڤان دو سالێن بهێت ژی ئهو بابهته بهێته ئێكلا كرن و دێ وهكو خۆ مینیت.</h3> <h3></h3>
