بڕیارە ئەڤرۆ ڕۆژا چارشەمبی جڤاتا وەزیرێن هەرێما كوردستانێ ب سەرپەرشتییا مەسرور بارزانی، سەرۆكوەزیرێن هەرێمێ و ب ئامادەبوونا قوباد تالەبانی، جێگرێ سەرۆكوەزیران كۆمبیت و چەند بڕگەیان گوتوبێژكەت.
بڕگا ئێكێ: تایبەتە ب پۆختەیا سەرەدانا شاندێ بلند یێ حكومەتا هەرێمێ ب سەرۆكاتییا سەرۆكوەزیران بۆ بەغدا ل ڕۆژا 14 ئیلۆنا 2023 بۆ بابەتێ مووچە و بوودجەیا هەرێمێ و بڕیارا جڤاتا وەزیرێن عیراقێ ل دور وی بابەتی.
بڕگا دووێ: وەزارەتا ساخلەمییێ دێ بابەتێ نەخۆشییێن زكچوون و كۆلێرا و پێشنیار و ڕێككارێن چارەسەرییێ و خۆپاراستنێ و گرتنەبەرا ڕێككارێن پێدڤی ژلایێ سازییێن ساخلەمییێ و وەزارەتێن پەیوەندیدارڤە دیاركەت.
