<h3 style="text-align: justify;"><span style="font-size: 18pt;">وه‌زاره‌تا په‌روه‌ردێ یا حكومه‌تا هه‌رێما كوردستانێ راگه‌هاند، شۆفێرێن پاس و ته‌كسییان یێن كارێ ڤه‌گۆهاستنا زارۆكێن باخچه و قوتابییان دكه‌ن، دڤێت سالنامه‌یا ترۆمبێلێ، موله‌تا شوفیرییێ ( كارتا زانیارییان یان نیشتیمانى ) پێشكێشى كارگێرییا ناڤه‌ندێن خواندنێ بكه‌ن، هه‌روه‌سا ئاماژه ب هندێ دا، هه‌ر ره‌فتاره‌كا دوور ژ ره‌وشتێ بلند و دابونه‌ریتێن جڤاكى به‌رامبه‌ر هه‌ر قوتابییه‌كى بهێته‌كرن، ژبلى سه‌میانێن وان، وه‌زاره‌تا په‌روه‌ردێ ژى دێ سكالایێ تۆماركه‌ت.</span></h3> <h3 style="text-align: justify;"><span style="font-size: 18pt;">وه‌زاره‌تا په‌روه‌رده‌یا حكومه‌تا هه‌رێما كوردستانێ بریاره‌ك ده‌ركر و ریڤه‌به‌رایه‌تییێن هه‌موو په‌روه‌رده‌یێن هه‌رێما كوردستانێ ئاگه‌هداركرن، پێدڤییه بۆ ڤه‌گۆهاستنا قوتابییان ب پاس و ته‌كسییان ئه‌ڤ خاله بهێنه په‌یره‌وكرن.</span></h3> <h3 style="text-align: justify;"><span style="font-size: 18pt;">ئێك : شۆفێرێن پاس و ته‌كسییان یێن كارێ ڤه‌گۆهاستنا زارۆكێن باچخه و قوتابخانه‌یان دكه‌ن، موله‌تا شۆفێرییێ ( كارتا زانیارییان یان نیشتیمانى ) پێشكێشى كارگێرییا ناڤه‌ندێن خواندنێ بكه‌ن.</span></h3> <h3 style="text-align: justify;"><span style="font-size: 18pt;">دوو : رێڤه‌به‌رێن ناڤه‌ندێن خواندنێ دڤێت تماما دۆكۆمینت و زانیارییێن ل خالا ئێكێ به‌حسا وان هاتییه كرن، بده‌نه بنگه‌هێن پۆلیسێن سنۆرێن خوه.</span></h3> <h3 style="text-align: justify;"><span style="font-size: 18pt;">سێ : هه‌ر شۆفێره‌كێ پابه‌ندى رێنمایێن رێڤه‌به‌رییا هاتنوچوونێ نه‌بیت و سكالا ل سه‌ر هاته تۆماركرن، پشتى دیاربوونا راستییان، پێدڤییه رێڤه‌به‌رێ گشتییێ په‌روه‌ردیێن ( پارێزگه‌هـ و ئیداره‌یێن سه‌ربه‌خۆ ) داخواز ژ لژنه‌یا قائیممقامییێ بكه‌ن كو رێك ب شۆفێرى بهێته‌دان كارێ ڤه‌گۆهاستنا قوتابییان بكه‌ت.</span></h3> <h3 style="text-align: justify;"><span style="font-size: 18pt;">چار : پێدڤییه شۆفێر پابه‌ندى رێنمایێن هاتنوچوونێ بیت، ب تایبه‌تى نابیت رێ ب قوتابییان بده‌ت كو ده‌ستێن خوه ژ جامێن ترۆمبیلێ ده‌ربێخین، نابیت ده‌نگێ مسه‌جلا ترۆمبێلێ یێ بلند بیت، نابیت ره‌فتار و په‌یامێن نه‌په‌روه‌رده‌یى و نه‌گونجاى هه‌بن، پێدڤییه شۆفێر پابه‌ندى له‌زاتییا قانوونى ل سه‌ر جاده‌یان بیت، ژبه‌ركو دڤێت ل هه‌موو ده‌مان بزانن كو ڤه‌گۆهاستنا قوتابییان به‌رپرسیاره‌تییه‌كا هه‌ستیاره و سه‌میانێن وان دگه‌لدا نینن. </span></h3> <h3 style="text-align: justify;"><span style="font-size: 18pt;">پێنج : هه‌ر ره‌فتاره‌كا دوور ژ ره‌وشتێ بلند و دابونه‌ریتێن جڤاكى به‌رامبه‌ر هه‌ر قوتابییه‌كى بهێته‌كرن، ژبلى سه‌میانێن وان، وه‌زاره‌تا په‌روه‌ردێ ژى دێ سكالایێ تۆماركه‌ت.</span></h3> <h3 style="text-align: justify;"><span style="font-size: 18pt;">شه‌ش : نابیت شۆفێر بارگرانییێ ل سه‌ر مالباتێن قوتابییان دروست بكه‌ن، ئه‌گه‌ر كارگێرییێن ناڤه‌ندێن خواندنێ داخواز ژێ كر كوژمه‌كێ پاره‌ى بده‌نه ناڤه‌ندێن خواندنێ.</span></h3> <h3 style="text-align: justify;"><span style="font-size: 18pt;">حه‌فت : هه‌ر شۆفێره‌كێ زێده‌تر ژ ژمارا رێپێداى قوتابییان ب ڤه‌گۆهێزیت، دێ رێكارێن پێدڤى به‌رامبه‌ر سه‌رپێچكاران هێنه وه‌رگرتن.</span></h3> <h3 style="text-align: justify;"><span style="font-size: 18pt;">هه‌شت : ل ده‌مێ تۆماركرنا سكالایان نامه ب رێكا وه‌تسئاپ و ڤایبه‌رى بۆ ژۆرا سكالایێن ئه‌لكترۆنى یێن وه‌زاره‌تا په‌روه‌ردێ ب ڤان ژماره‌یان (07505103232) و (07505106262) بهێنه هنارتن.</span></h3>
