<h3 style="text-align: justify;"><span style="font-size: 18pt;">تیما ئیكسپدهیشن یا فیدراسیۆنا چیاڤانێن كوردستانێ، شیا گهشتهكا سهركهڤتى بۆ گۆپیتكا كازبێگ ل زنجیرهیا چیایێن قهفقازیا ل وهلاتێ جۆرجیا بكهت.</span></h3> <h3 style="text-align: justify;"><span style="font-size: 18pt;">تیما كوردستانێ بۆ ڤێ گهشتێ ژ 9 چیاڤانێن ب ئهزمون وهكو دكتۆر ئهنوهر عهلى محهمهد سهرپهرشتی گهشتی، هێمن ئهمین، قاسم مستهف، داریۆش نهبى، ئیدریس والى، محهمهد بابان، محهمهد چاڤشین و وههبى مههدى پێكهاتبوو.</span></h3> <h3 style="text-align: justify;"><span style="font-size: 18pt;">چیاڤانێن كوردستانێ ل رۆژا 14ى ڤێ ههیڤێ پشتى دگههنه باژێرێ تبلیس یێ پایتهختێ جۆرجیا، ئێكسهر بهرهڤ گوندێ كازبێگ ڤه دچن و بێهنڤهدانهكێ ل وێرێ وهردگرن، دووڤدا گهشتا خوه دهستپێدكهن و دقووناغا ئێكێ یا سهركهڤتنا خوهدا شیان بگههنه كهمپا میتۆ كو بلنداهییا وێ 3600 میتره، پاشان پشتى وهرگرتنا بێهنڤهدانهكێ بهرهڤ گوتپیكێ ڤه دچن و شیان بگههنه گوپیتكا كازبێگ كو بلنداهییا وێ 5054 میتره.</span></h3> <h3 style="text-align: justify;"><span style="font-size: 18pt;">تیما ئیكسپدهیشن یا فیدراسیۆنا چیاڤانێن كوردستانێ پشتى گهشتا خوه ب دووماهى ئیناى، بریاره سوبههى ل دهژمێر 11ى شهڤێ ڤهگهرنه باژێرێ ههولێرێ.</span></h3>
