ب هه‌لكه‌ڤتا ده‌ربازبوونا 53 سالان ب سه‌ر دامه‌زراندنا ئێكه‌تییا زانایێن ئایینێ ئیسلامێ ل كوردستانێ، پیرۆزباهییێن گه‌رم ل سه‌رۆك و ئه‌ندامێن مه‌كته‌با ته‌نفیزى و جڤاتا ناڤه‌ندییا ئێكه‌تییا زانایان و هه‌موو مامۆستایێن ئایینێ پیرۆزێ ئیسلامێ ل كوردستانێ دكه‌م.
ئارمانجا سه‌ره‌كییا دامه‌زراندنا ئێكه‌تییا زانایێن ئایینێ ئیسلامێ ل كوردستانێ ژلایی بارزانییێ نه‌مرڤه ل 21ى ئه‌یلولا 1970ێ دووپاتكرنا رۆلی مامۆستایێن ئایینێ ئیسلامێ ل شۆره‌ش و خه‌باتا گه‌لێ مه و كووركرنا بنه‌مایێن دیندارى و خۆدێ نیاسین و پێكڤه‌ژیانا گه‌لێ كوردستانێ بوو، ب درێژاهییا مێژوویا گه‌لێ مه، مامۆستا و مه‌زنه زانایێن كورد یێن ئایینێ ئیسلامێ رۆلێ ئێكلاكه‌ر بۆ بهێزكرنا نیشتیمانپه‌روه‌رى و قه‌بوولكرنا سته‌مكارى و رێگرتن ل هزرا تۆندڕه‌وى وتاییڤه‌گه‌رییێدا هه‌بوو.
ئه‌و چاڤه‌رێیه ژ زانا و مامۆستایێن ئایینێ ئیسلامێ هه‌یه كو وه‌كو هه‌رده‌م دوى رۆلێ پیرۆزدا دبه‌رده‌وامبن، رێنیشانده‌رێن هه‌موو لایان بن، ل سالیادا ئه‌وێ هه‌لكه‌ڤتا مێژووی، هیڤییا سه‌ركه‌ڤتنێ بۆ ئێكه‌تییا زانایێن ئایینێ ئیسلامێ ل كوردستانێ و هه‌موو مامۆستایێن به‌رێز دخوازم، سوپاسییا وه‌ستیان و ئه‌ركێ وان یێ پرۆز دكه‌م.
خۆدایێ مه‌زن پشته‌ڤان و هاریكارێ مه هه‌موویان بیت
