ئەڤرۆ نێچیرڤان بارزانی، سەرۆكێ هەرێما كورستانێ د پێنجی و سێیەمین سالڤەگەڕا دامەزراندنا ئێكەتییا زانایێن ئایینێ ئیسلامێ یا كوردستانێ دا پەیامەك بەلاڤكر.
دەقێ پەیاما سەرۆكێ هەرێمێ:
د پێنجی و سێیەمین سالڤەگەڕا دامەزراندنا وێ دا، ب گەرمی پیرۆزباهییان ل بەڕێزان سەرۆك و مەكتەبا تەنفیزی و هەموو ئەندامێن ئێكەتییا زانایێن ئایینێ ئیسلاما كوردستانێ دكەم و هیڤییا سەركەفتنێ بۆ دخوازم.
ڕۆل و خەبات و تێكۆشانا مامۆستا و زانایێن ئایینی و ئێكەتییا زانایێن ئایینێ ئیسلاما كوردستانێ ل سەردەمێ شۆڕەش و ڕووبڕووبوونا ستەمكارییێ دا، هەروەسا ئامادەیی و كارتێكرنا وان د نوكە یا ئازاد و كۆمەلگەها كوردستانی دا و هەول و بزاڤێن وان ل پێناڤی پاراستنا مافێن زانایێن ئایینیدا، بلند و ب ڕێزڤە د هەلسەنگینین.
مامۆستا و زانایێن ئایینی، ڕۆلەكێ كارا د پێشڤەبرنا گیانێ تەبایی و لێبۆرینێ و پێكڤەژیانا ئاشتییانە، ڕووبڕووبوونا گوتارا تیرۆر و تۆندڕەو و پاراستنا بەهایێن جوان یێن كۆمەلگەها كوردستانی دگێڕن. هەروەسا ئەركەكێ پیرۆز د گەهاندنا پەیاما چاكەخواز و میانڕەو و نشتیمانپەروەر جێبەجێدكەن. لەوما وەكو هەردەم دەستخۆشی و پشتەڤانییێ لێ دكەین، دۆپاتییێ ژی ل پاراستا مافێن وان و باشتركرنا ڕەوشا ژیانا وان دكەین.
خۆدایێ مەزن پارێزەر و پشتەڤانێ مە هەموویان بیت و هیڤییا سەركەفتنێ بۆ هەموولایەكی دخوازم.
Like this:
Like Loading...
