جڤاتا وه‌زاره‌تا كاره‌بێ ئه‌ڤرۆ ل سه‌ر چه‌ند بابه‌تان كۆمبوو ژ وان ژى بهایێ كاره‌با سیسته‌مێ پریپه‌ید ل هه‌رێما كوردستانێ.
ئه‌رده‌لان دوسكى رێڤه‌به‌رێ گشتییێ دیوانا وه‌زاره‌تا كاره‌بێ راگه‌هاند، ئه‌ڤرۆ كۆمبوونا ئاساییا جڤاتا وه‌زاره‌تێ ب به‌رهه‌ڤبوونا وه‌زیرێ كاره‌بێ و هه‌موو ئه‌ندامێن جڤاتا وه‌زاره‌تا كاره‌بێ هاته كرن، ئێك ژ برگه‌یێن گوتوبێژ ل سه‌ر هاتییه كرن، بهایێ كاره‌بێ بوو.
گوت ژى: پێشنیازا هندێ بۆ سه‌رۆكایه‌تییا دیوانا جڤاتا وه‌زیران هاتییه كرن، ئه‌و بهایێ نوكه هه‌ى، ب پشته‌ڤانییا حكومه‌تێ بهێته كێمكرن.
ئه‌رده‌لان دوسكى ئاشكراكر، ل هه‌ر جهه‌كێ سیسته‌مێ كاره‌با پریپه‌ید هه‌بیت، دێ ب هه‌مان بهایێ پێشتر بیت، كو هه‌ر وه‌حده‌یه‌ك دێ ب 18 دیناران بیت، ل جهێن بها گران ژى 156 دینارن، لێ ئه‌ڤرۆ دانوستاندن ل سه‌رهندێ هاتنه كرن كو ئه‌و بهایه‌ژى بهێته كێمكرن و دبه‌رژه‌وه‌ندییا وه‌لاتییاندا بیت.
ئه‌وژى دیاركر، پێشنیاز هاته كرن پاره‌یێ كاره‌بێ بۆ 100 دیناران بهێته كێمكرن و رێژه‌یا زێده‌كرنێ 12%ێ كو ژلایێ خۆدان پرۆژه‌یانڤه هاتییه دانان، ئه‌وژى نه‌مینیت.
سه‌باره‌ت پیڤه‌رێ زیره‌ك، رێڤه‌به‌رێ گشتییێ دیوانا وه‌زاره‌تا كاره‌بێ راگه‌هاند، قووناغا ئێكێ یا پیڤه‌رێ زیره‌ك ب رێژه‌یا 97%ێ تمامبوویه، نوكه دێ به‌ره‌ڤ قووناغا دووێ چن.
