نۆشدارێن زانکۆیا ماریلاند ل ئەمریکا بۆ جارا دووێ دلێ بەرازی بۆ کەسه‌كی دچینن، بسپۆر دبێژن: هه‌تا نوكه دل ب سه‌ركه‌ڤتییانه دناڤ له‌شیدا كاردكه‌ت.
تیما نۆشدارێن کۆلێژا نۆشداری ل زانکۆیا ماریلاند ل ئەمریکا دەستکارییا دلێ بەرازه‌كی كرن و دناڤ له‌شێ زه‌لامه‌كێ 58 سالان هاته چاندن، بسپۆره‌كێ نشتەرگەریێن چاندنا ئەندامان ل زانکۆیێ دبێژیت: هەسته‌كێ سه‌رسورهێنه‌ره كو دبینینن دلێ بەرازه‌كی دناڤ له‌شێ مرۆڤه‌كیدا کاردكه‌ت.
د.محەمەد محیەدین بسپۆڕێ نشتەرگەریێن چاندنا ئەندامان و سەرپەرشتێ نشته‌گه‌ریێی دبێژیت: دل ل ژێر چاڤدێرییا هوور دایه و ئارمانجا وان ئه‌وه بۆ ماوه‌كێ درێژتر كاربكه‌ت.
نۆشداران بۆده‌مه‌كی ده‌ستكارییا دلێ به‌رازی كرییه پاشی بۆ لاورێنس فاوسێتی 58 سالی چاندییه.
لاورێنس ژبه‌ر سستوونا زه‌ڤله‌كێن دلێ وی دا گیانێ خۆ ژده‌ست ده‌ت ، بەلێ دلێ بەرازی ڤێرا گه‌هشت و دبێژیت: ژلایێ هەموو پەیمانگەهێن چاندنا ئەندامێن مرۆڤی ڤه هاتمه ره‌تكرن، هه‌تا نوكه هیڤیا وى ئه‌وه له‌شێ وى دگه‌ل دلێ به‌رازی ب گونجیت.
پار هەمان تیم دلێ بەرازی بۆ زه‌لامه‌كێ دی ب ناڤێ دەیڤد چاند ، بەلێ ب تنێ دوو هه‌یڤان ژییا، هه‌تا نوكه دلێ چاندی یێ لاورێنسى باش کاردكه‌ت، نۆشدار ژی چاڤه‌رێی ئه‌نجامانه.
