شرۆڤهكارهكێ سیاسی و وهزیرێ كوچ و كوچبهران یێ بهرێ ل حكومهتا عیراقا فیدرالی دا” دیار كر: دڤێت ئهم دناڤا كوردستانێ د ئێكگرتی بین و خودان ئێك ههلویست بین ل ههمبهری حكومهتا عیراقێ، چونكی مه ئاریشه یێن ل گهل حكومهتا عێراقێ ههین، دیسان ئهڤه چهندین جاره دادگهها فیدرالی بریاران ل دژی ههریما كوردستانێ ددهت” ههروهسا ئهو دادگههه لدووڤ دهستوورێ عێراقێ دروست نهبوویه و بۆ دوباره ههلبژارتنا ئهندامێن وێ ل پهرلهمان دهنگ پێ نههاتییه دان و لایهنێن كوردستانی تێبینی ل سهر یاسایا دادگههێ و ئهندامێن وێ ههنه، لهوما دڤێت یاسایا دادگهها بلندا فیدرالی ب فهرمی ژ پهرلهمانێ عیراقێ و لدووڤ دهستووری بهێته دروست كرن، نوكه ئهو دادگههه مایتێكرنێن سیاسی دكهت و وێ دڤێت ب ئاراستهیا سیاسی دا فشاران دروست بكهت.
د. دیندار نهجمان دۆسكی، زێدهتر بۆ ئاژانسا خانی دیار كر: نوكه دناڤا حكومهتا عیراقێ دا سوپایی و حهشدا شهعبی و ملیشیاتان بودجه و مووچێ خۆ ههیه و ب رهنگهكێ بهردهوام پارهیی و چهكی ژ حكومهتێ وهردگرن، بهلێ وان ئهڤ چهنده بۆ هێزێن پێشمهرگهیی نهكرییه و ئهڤه چهندین ساله حكومهتا عیراقێ بودجه بۆ پیشمهرگهیی دابین نهكرییه، ههروهسا ل عیراقێ دادگهها بلندا فیدرالی ههیه و لایهنێن عێراقی وێ دادگههێ ل دژی كوردستانێ ب كار دئینن” بهلێ چهندین خال و بابهت ههنه گرێدایی ب ههرێمێ ڤه” بهلێ دادگهها فیدرالی بریارێ ل سهر نادهت” ب تایبهتی ژی بابهتێ بودجهیی و پێشمهرگهیی و مادێ 140 یێ دهستووری، دیسان هندی عهقلیهتا لایهنێن عێراقی و دادگهها فیدرالی ب ڤی رهنگی بیت” دڤێت ئهم چاڤهرێیی باشبوونێ نهكهین” چونكی ئهو دادگههه ل ژێر فشارێن سیاسی بریاران ددهت و ب تایبهتی لایهنێن شیعی ئهوێ دادگههێ وهكو چهكهكێ سیاسی ل ههمبهری كوردستانێ ب كار دئینن.
ناڤهاتی گۆت ژی: لدووڤ دهستوورێ عێراقێ” كو ل سالا 2005 ێ دهرچوویه، ههموو ماف و شایستێن دارایی یێن پێشمهرگهیی د له چارچۆڤێ سازییا ئهمنی یا حكومهتا عێراقێ دا هاتییه دیار كرن وهكو سازییهكا فهرمی، كو هێزێن پێشمهرگهیێ كوردستانێ سازییهكا دهستوورییه” بهلێ ههتا نوكه حكومهتا عیراقێ ئهو خاله پهیرهو نهكرییه و دیسان ههتا نوكه حكومهتا عیراقێ چهندین مادێن دی یێن دهستووری چارهسه رنهكرینه و ماینه ههلاویستی، دهستههلاتا عیراقێ نیهتهكا خراب ههیه و د نوكه دا ئهو سیاسهتا برسیكرنێ ل ههمبهری ههرێمێ پهیرهو دكهن و ئهو فیدرالییهتێ قهبوول ناكهن و وان دڤێت ب رێیا مهركهزییهتێ كارێ خۆ بكهن، ههر چهنده ههتا نوكه دانوستاندن دناڤبهرا حكومهتا ههرێمێ و عێراقێ ههنه و بهلی هێشتا گهلهك بابهت نههاتینه ئێكلا كرن و وهكو خۆ ماینه”، ژ وان ژی مادێ 140 یێ دستووری” قانوونا نهفت و غازێ” بابهتی مووچهیی و بودجهیێ ههرێمێ و چهندین بابهتێن دیتر” دیسان ههموو دهستههلاتێن عیراقێ ل ژێر فشاران دا كار دكهن” دیسان دڤێت ئهندامێن پهرلهمانێ عیراقێ یێن كورد ژی سكالایان ل دادگهها فیدرالییا عیراقێ تۆمار بكهن” ل سهر وان مادێن ههتا نوكه حكومهتا عیراقێ بجهـ نهئینایین” ههتا نوكه كوردان وهكو پێدڤی ئهڤ چهنده نهكرییه” ههروهسا ههتا نوكه حكومهتا عیراقێ یاسایێ فیدرالیبوونێ بجهـ نهئینایه و حكومهتێ پێگیری ب دهستوورێ عیراقێ نهكرییه.
