مه‌كته‌با سیاسییا پارتى دیموكراتى كوردستان په‌یامه‌ك ب هه‌لكه‌ڤتا جه‌ژنا ژ دایكبوونا پێغه‌مبه‌ر محه‌مه‌د ( سلاڤێن خۆدێ ل سه‌ر بن ) به‌لاڤكر.
مه‌كته‌با سیاسییا پارتى دیموكراتى كوردستان د په‌یاما خوه‌دا دیاركر، گه‌رمترین پیرۆزباهییێن خوه ئاراسته‌یى موسلمانێن كوردستانێ و عیراقێ و جیهانێ دكه‌ن، ئومێده‌وارن ئه‌و هه‌لكه‌ڤتا پیرۆز ب خێر و خۆشى بۆ وه‌لاتییان و هه‌موو كوردستانییێن خۆشتڤى ڤه‌گه‌ریت، دڤێ ده‌رفه‌تێدا دووباره دووپاتییێ ل سه‌ر مۆكۆمكرن و كووركرنا گیانێ ته‌بایى و ئاشته‌وایی و پێكڤه‌ژیانێ دكه‌ن، هه‌رێما كوردستانێ هه‌رده‌م نموو‌نا وه‌لاتێ فره‌ئایینى و نه‌ته‌وه‌یى و مه‌زهه‌بى بوویه، ل پاشه‌رۆژێ دێ شانازییێ ب وێ په‌یامێ كه‌ت.
ئاماژه ب هندێ ژى دا، دڤێ هه‌لكه‌ڤتێدا خوازیارن هه‌موو ته‌خ و چین و پێكهاته ب گیانێ برایه‌تى و لێبۆرینێ ب قانوونا سه‌قامگێرى و ره‌وشا ئارامییا هه‌رێما كورستانێ ژیانێ ب رێڤه‌ببه‌ن و كۆمه‌لگه‌هێ دروست و پێشكه‌ڤتى و بهێزتر بكه‌ن، جاره‌كا دى هه‌لكه‌ڤتا ژ دایكبوونا حه‌زره‌تێ محه‌مه‌د ( محه‌مه‌د سلاڤێن خۆدێ ل سه‌ر بن ) ل هه‌موو موسلمانان پیرۆز بیت.
