<h3 style="text-align: justify;"><span style="font-size: 18pt;"><strong>قایمقامییا باژێرکێ عهنكاوه هەڤخەمی و بەهیدارییا خۆ بۆ قوربانیی و کەسوکارێن ڕوودانا ئاگر بەربوونا حەمدانییە دیارکر، هەڤدەم ئاماژە کر سەرۆکوەزیرێن هەرێما کوردستانێ هەر ژ دەستپێکا ڕودانێ، هەمی ئامادەییەک بۆ هەوارچوونا برینداران و کەسوکارێن وان دیارکر.</strong></span></h3> <h3 style="text-align: justify;"><span style="font-size: 18pt;">ئهڤرۆ چارشهمبی 27 ئهیلوولا 2023، قایمقامییا باژێرکێ عهنكاوه راگەهاندنەک دەربارەی ڕوودانا ئاگربەربوونا حەمدانییە بەلاڤکر و تێدا هاتیە، حکومەتا هەرێما کوردستانێ و جەنابێ سەرۆکوەزیران مەسرور بارزانی، ل دەمێن دەستپێکی یێن ڕوودانێ هەمی ئامدەییەک نیشاندا بۆ د هەوارچوونا برینداران و کەسوکارێن قوربانییان، کو هەر د ئەوی چوارچوڤەیدا نەخۆشخانەیێن هەولێر و دهۆک ب دەهان بریندارێن ڕوودانێ وەرگرتن و چارەسەرییێ بۆ دکەن.</span></h3> <h3 style="text-align: justify;"><span style="font-size: 18pt;">قایمقامییا باژێرکێ عەنکاوە ئاماژە کریە ژی، خۆ ب پشکەک ژ ژ ڕوودانێ دزانن، بۆ ئەڤێ مەرەمێ ژی بڕیارا ڕاگرتنا هەر جۆرە چالاکییەکێ و ئاهەنگەکا گشتی ل جهێن گشتی یێن باژێرکی دایە، وەک نیشاندانا هەڤخەمی و بەهیدارییێ بۆ قوربانییان، بۆ ئەڤێ مەرەمێ ژیت سێ ڕۆژان ئانکو ڕۆژێن چارشهمبی، پێنجشهمبی و ئەینی کرینە رؤژێن بەهیدارییێ.</span></h3>
