<h2 style="text-align: justify;"><span style="font-size: 18pt;">مەسرور بارزانی، سەرۆکێ حکومەتا هەرێما کوردستانێ لدۆر ڕوودانا ئاگربەربوونا شەڤا بووری ل قەزا حەمدانییێ، پەیامەكا هەڤخەمییێ بەلاڤكر.</span> <span style="font-size: 18pt;">دەقێ پەیاما سەرۆكێ حكومەتا هەرێما كوردستانێ؛ </span> <span style="font-size: 18pt;">ڕوودانەكا دلتەزینا ئاگربەربوونێ ل هۆلەكا شەهینان ل قەزا حەمدانییێ كو بوویە ئەگەرێ گیان ژ دەستدان و سوتنا سەدان کەسان، گەلەك خەمگین كریمە.</span> <span style="font-size: 18pt;">پرسە و سەرەخۆشییێن خۆ یێن مەزن ئاراستەی بنەمال و کەسوکارێن قوربانییان دکەم و خۆ ب هاڤبەشێ خەما وان دزانم، خودایێ مەزن گیانێ وان ب بەهشتا بەرین شاد بكەت. هیڤییا چارەسەرییێ بۆ برینداران دخوازم.</span> <span style="font-size: 18pt;">شەڤا بووری دگەل ڕوودانا ئەڤێ کارەساتێ، من وەزارەتا ساخلەمییێ و هەمی لایەنێن پەیوەندیدار یێن حکومەتا هەرێما کوردستانێ ڕاسپاردن، ب زویترین دەم دهەوارا ئەوان كەسێن تووشی ڕوودانێ بووین بچن و نوكە ئەم ئامادەییا خۆ بۆ هەمی هاریكارییێن پێدڤی دووپات دكەین.</span></h2> <h2 style="text-align: justify;"><span style="font-size: 18pt;">مەسرور بارزانی </span> <span style="font-size: 18pt;">سەرۆکێ حکومەتا هەرێما کوردستانێ</span> <span style="font-size: 18pt;">27-09-2023.</span></h2>
