كار بۆ سه‌رخستنا سپۆرا مه‌له‌ڤانییان ل دهۆكێ دهێته‌كرن

سكرتێرێ ئێكه‌تییا مه‌له‌ڤانییان ل دهۆكێ دیاركر، ئه‌وان پلانه‌ك بۆ سه‌رخستنا سپۆرا مه‌له‌ڤانییان ل پارێزگه‌هێ دانایه‌، د پێنگاڤا ئێكێ ژى دا ده‌ست ب دروستكرنا راهێنه‌رێن ڤێ سپۆرێ كرییه‌ و خۆله‌ك بۆ وان ڤه‌كرییه‌.

كیڤى خه‌له‌ف سكرتێرێ ئێكه‌تییا مه‌له‌ڤانییان ل دهۆكێ بۆ ئاژانسا خانى ئاشكراكر، ئه‌وان پلانه‌ك دانایه‌ كو سپۆرا مه‌له‌ڤانییان ل پارێزگه‌ها دهۆكێ سه‌ر بێخن، د پێنگاڤا ئێكێدا دێ راهێنه‌رێن خۆدان شیان بۆ ڤێ سپۆرێ په‌یداكه‌ن، له‌وما خۆله‌ك بۆ 25 راهێنه‌ران ڤه‌كر كو 16 ژ وان كۆر بوون و 9 كچ بوون، خۆل بۆ ماوێ سێ رۆژان یا به‌رده‌وام بوو، تاقیكرن ب پشكداران هاته‌ كرن و هه‌ر پشكداره‌كێ سه‌ركه‌ڤتن دڤێ خۆلێدا ئینا، دێ باوه‌رنامه‌ پێ هێته‌ دان.

دیار ژى كر، ئێدى رێ ب راهێنه‌رێن مه‌له‌ڤانییان ناهێته‌دان، ل مه‌له‌ڤانگه‌هان كار بكه‌ن، ئه‌گه‌ر باوه‌رنامه‌یێن ئێكه‌تییا مه‌له‌ڤانییان ل پارێزگه‌ها دهۆكێ نه‌بن.

گوت ژى : وان نیاز هه‌نه‌ ل سالا بهێت قاره‌مانییه‌كێ ل سه‌ر ئاستێ پارێزگه‌ها دهۆكێ بۆ مه‌له‌ڤانگه‌هان ڤه‌كه‌ن، هیڤییا وان ئه‌وه‌ پلانا وان جهێ خوه‌ بگریت، بشێن ئه‌ڤێ سپۆرێ ل دهۆكی پێشبێخن و پشكدارییێ دقاره‌مانییێن ل سه‌ر ئاستێ هه‌رێما كوردستانێ و عیراقێ و ژ ده‌رڤه‌ ژى دا بكه‌ن.