پارێزگارێ دهۆكێ په‌نه‌له‌ك ل دۆر پێكڤه‌ژیانا ئاشتیانه‌ یا نه‌ته‌وه‌ و ئایینان پێشكێشكر

ئەڤرۆ پشتی نیڤرۆ دچوارچووڤێ فۆرما بودێنزێ یا ئابووری و بازرگانییا نیڤدەولەتیدا، د.عەلی تەتەر پارێزگارێ دهۆکێ و دگەلدا لارا زارا رێڤەبەرا ده‌ڤه‌ردارییا ئەلقوشێ پەنەلەك پێشکێشکر و دپەنەلیدا باس ل رەوشا پێکڤەژیانا ئاشتیانە یا نەتەوا و ئاینان و رێکەفتناما دناڤبەرا هەولێر و بەغدا و رەوشا ئاوارەوپەنابەران هاتە رن.

پارێزگارێ دهۆکێ دپەنەلیدا دووپاتی ل رەخساندنا دەلیڤان بۆ هەماهەنگییا ئابووری و بازرگانی و مفا وەرگرتن ژ ئەزموونا وەلاتێ ئەلمانیا کرن.

پارێزگارێ دهۆکێ دووبارە سۆپاسییا گەل و حکۆمەتا کۆمارا ئەلمانیا فیدرال بۆ هاریکاریێن بەردەوام یێن پێشكێشى هەرێما کوردستانێ کرین.

ل دۆر بەردەوامییا رێکەفتنێن دەستەخۆشکاتییێ دگەل هژمارەکا باژێرێن کۆمارا ئەلمانیا دیارکر، دێ  ل سەر پێشڤەبرن و خۆرتکرنا پەیوەندییان دبەردەوام بن.