کی مەزاختییێن چارەسەرییا بریندارێن روودانا حەمدانییێ دابین دکەت؟

رێڤەبەرییا گشتی یا ساخلەمییا دهۆکێ بۆ ئاژانسا خانی راگەهاند، دەزگەهێ خێرخوازییێ بارزانی مەزاختییێن هەر 9 بریندارێن روودانا حەمدانییێ کو نوکە ل نەخۆشخانێن ئەهلی چارەسەری بۆ دهێتەکرن، ب ستۆیێ خۆڤەگرت.

د.ئەفراسیاب موسا، رێڤەبەرێ گشتییێ ساخلەمییا پارێزگەها دهۆکێ راگەهاند، نوکە چارەسەرییێن نوشداری بۆ 9 بریندارێن روودانا ئاگربەربوونا هۆلا شەهیانان یا ل حەمدانییێ کو ل نەخۆشخانێن ئەهلی یێن دهۆکێ دهێتەکرن و مانا شەڤانە یا هەر نەخۆشەکێ دگەل هەموو مەزاختییێن دی یێن پێدڤی هەتا دووماهی چارەسەری وەردگرن، دێ دەزگەهێ خێرخوازییێ بارزانی دابین کەت.

د روودانا ئاگرێ ل هۆلەکا شەهیانا ل حەمدانییێ یا بەری دوشەڤان دا، 93 کەسان ژیانا خوه‌ ژ دەستدایه‌ و پتری سەد كه ژى بریندارن كو 20 بريندار رەوانەی دهۆکێ کربوون و 7 نەخۆش ل نەخۆشخانەیێن حکومیێن دهۆکێ نوکە چارەسەرییێ وەردگرن.