مه‌كته‌با رێكخستنا كه‌ركووك و گه‌رمیان یا پارتى د به‌ياننامه‌كێ دا ئه‌ڤرۆ راگه‌هاند؛ ڤه‌كرنا باره‌گایێ سه‌ره‌كى یێ پارتى ل كه‌ركووكێ مافه‌كێ ده‌ستوورى و یاسایى یه و زامنكرنا كارێ ئازادانه یێ حزبى و سیاسى یه و ئه‌ڤه بابه‌ته‌كێ جودایه ژ بابه‌تێ ره‌وشا ئیدارى و ئێمناهیێ ل وێ پارێزگه‌هێ.
هه‌روه‌سا تێدا هاتیه ژى “هه‌ر ئێك ژ فه‌رمانده‌یا ئوپه‌راسیۆنێن كه‌ركووكێ و سوپا و لایه‌نێن جودا جودا و داموده‌زگه‌هێن ئه‌منى، نڤیسینگه‌هـ و بنكه‌یێن سه‌ربازى و باره‌گایێن سه‌ربازى و ئه‌منى هه‌نه كو ل هه‌ر جهه‌كێ باژێڕى به‌لاڤبووینه، هه‌روه‌سا ژماره‌یه‌كا گرۆپێن چه‌كدار دناڤ كه‌ركووكێ دا ده‌ستوورى بنپێدكه‌ن، ژماره‌یه‌كا رێكاران دناڤبه‌را حكومه‌تا هه‌رێما كوردستانێ و حكومه‌تا ئیراقێ دا بۆ رێكخستنا ره‌وشا ئه‌منى ب هه‌ڤكارى ل گه‌ل هه‌مى پێكهاته‌یێن ره‌سه‌ن یێن باژێڕێ هه‌نه، ژ به‌ر ڤێ چه‌ندێ، وه‌رگرتنا باره‌گایێن فه‌رمى یێن پارتى چ په‌یوه‌ندى ب كارێ ده‌زگه‌هێن ئه‌منى و سه‌ربازى یێن ناڤ پارێزگه‌هێ ڤه نینه”.
دیار ژى كریه “پارێزگارێ ب زۆرى ل سه‌ر وه‌لاتیێن كه‌ركووكێ هاتیه سه‌پاندن، زنجیره‌یه‌كا داخۆیانیێن دویر ژ راستیێ و بێى لوژیك داینه وه‌ك بزاڤه‌كێ بۆ لێدانێ ل پارتى و ژماره‌یه‌كا بوختانان به‌لاڤكرینه”.
مه‌كته‌با رێكخستنا كه‌ركووك و گه‌رمیان یا پارتى هاته ده‌نگ
