ل سنوورێ پارێزگه‌ها دهۆكێ هێشتا نێزیکی 25 هزار خێزانان كارتێن ئەلکترۆنی یێ ئاهێن خوارنێ دروست نه‌كرینه‌

ئاژانسا خانی:

رێڤەبەرێ گشتی ل وەزارەتا بازرگانی یا حکومەتا هەرێما کوردستانێ گۆت: ئه‌وێن هه‌تا نوكه‌ كارتێن خۆ یێن ئاهێن خوارنێ ل پارێزگه‌ها دهۆكێ نه‌كرینه‌ ئه‌له‌كترۆنی” دڤێت هه‌تا ناڤه‌راستا ڤێ هه‌یڤێ بكه‌نه‌ ئه‌لكترۆنی و فۆرمێن خۆ چێكه‌ن” چونكی هه‌كه‌ وان كارتان چێنه‌كه‌ن دێ ئه‌رزاقێ وان هێته‌ راگرتن، هه‌تا نوكه‌ نێزیكی 25  هزار خێزانان كو دبنه‌ 4% ێ كارتێن خۆ یێن ئاهێن خوارنێ نه‌كرینه‌ ئەلکترۆنی و 96% ێ ژ خه‌لكێ دهۆكێ كارتێن ئه‌لكترۆنی یێن ئاهێن خوارنێ دروست كرینه‌.

نەوزاد شێخ کامل، زێده‌تر بۆ ئاژانسا خانی گۆت: نوكه‌ ل چه‌ندین پارێزگه‌هێن عێراقێ پرۆسا ب ئەلکترۆنی کرنا كارتێن ئاهێن خوارنێ یا بەردەوامە، هێشتا ل پارێزگه‌ها دهۆکێ ئه‌و کارته‌ نه‌هاتییه‌ كارا كرن، چونکی هێشتا ل هەموو پارێزگه‌هان نه‌هاتییه‌ بجهئینان، دهێته‌ چاڤه‌رێ كرن ل هەموو پارێزگه‌هان بهێته‌ بجهئینان، داكو بهێنه‌ کارا كرن .

ناڤهاتی گۆت ژی: ئه‌م داخوازێ ژ خه‌لكێ دهۆكێ دكه‌ین” ئه‌وێن هه‌تا نوكه‌ ئه‌و كارتا ئه‌لكترۆنی چێنه‌كری بچن دروست بکەن” چونكی هه‌كه‌ هه‌تا 15 ی چریا ئێكێ ئه‌و فۆرمە نه‌بنه‌ بەئەلکترۆنی دێ ئاهێن وان یێ خوارنێ هێنه‌ برین، له‌وما دڤێت خه‌لك له‌زێ بكه‌ن و كارتێن خۆ یێن ئه‌لكترۆنی یێن ئاهێن خوارنێ دروست بكه‌ن” هێشتا ل سنوورێ پارێزگه‌ها دهۆكێ نێزیکی 25 هزار خێزانان كارتێن ئەلکترۆنی یێ ئاهێن خوارنێ دروست نه‌كرینه‌.