رێنماییێن ناڤ نڤێسینێ بۆ وەرزێ نوویێ حەجێ هاتنه‌ راگەهاندن

شێخ نیاز نه‌قشبه‌ندی” رێڤه‌به‌رێ گشتییێ حه‌ج و عومرێ ل هه‌رێما كوردستانێ راگەهاند، فۆڕمێن ناڤ نڤێسینێ بۆ حەجا 2024 ێ” دێ ل هه‌یاما 12 رۆژان دابیت و ژ بلی رۆژێن ئەینی و شەمبییێ، پاشی فۆڕمێن نوو دێ ل گه‌ل فۆڕمیێن سالێن بوری پشككێشان دێ ۆ هێته‌ كرن و 40% ێ یێن فۆڕمێن نوو دێ ده‌لیڤا حەجکرنێ پێ هێته‌دان.

گۆت ژی: هەر وه‌لاتییه‌كی پێشتر حه‌ج كربیت، نابیت ناڤێ خۆ تۆمار بکه‌ت، ئەگەر تۆمار ژی بکه‌ت، ل ده‌مێ ئەنجامدانا پشككێشانێ فۆڕما وی دێ هێته‌ ژناڤبرن، ب تنێ ئەو کەسه‌ نه‌بن یێن كو ژ پێش کەسه‌كێ دیترڤه‌ حەج دکەن ناڤێن خۆ و خۆ ب (مەحرەمێ حه‌جێ) چێدکەن.

هه‌روه‌سا هەر وه‌لاتییه‌كێ پتر ژ فۆڕمه‌كێ پڕ بکه‌ت، دەرفەتا چوونێ بۆ حەجێ دێ ژ دەستدەت و دێ فۆرما وی هێته‌ ژناڤبرن.

ئه‌و ژی گۆت، لدووڤ رێنماییان ئەو کەسێن فۆڕمێن حەجێ پڕ دکەن نابێت ژییێ وان ژ 18 سالا کێمتر بیت، دڤێت خۆجهێن هەرێما کوردستانێ بن، ناڤ نڤێسین دێ لدووڤ فۆڕمێن خوارنێ و کارتا زانیارییان بیت، پڕکرنا فۆڕمان دێ ل نڤێسینگەهێن حەج و عومرێ ل پارێزگه‌هان و ئیدارێن سەربەخۆ بیت، پێدڤییە د هه‌یاما چار رۆژان دا ئه‌و فۆڕمە ڤه‌گه‌ر‌نه‌ڤه‌ وی جهێ ژێ وه‌رگرتیین” چونكی پشتی هنگێ مافێ هندێ نابیت ناڤێ وی بچیته‌ دناڤا پشككێشانێ دا.