سەرۆكوەزیرێن هه‌رێما كوردستانێ پێشوازى ل بالیۆزا نوو یا ئه‌لمانیا ل عیراقێ كر و هه‌ردوو لایان دووپاتى ل سه‌ر پێدڤییا رێزگرتن ل سیسته‌مێ فیدرالى و پاراستنا مافێن گه‌لێ كوردستانێ و هه‌موو پێكهاته‌یان ژ چارچووڤێ ده‌ستوورى عیراقێ كر.
مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل كریستییانه هۆمان بالیۆزا نوو یا ئه‌لمانیا ل عیراقێ وشاندێ دگه‌لدا كر.
ل دووڤ راگه‌هاندنه‌كا حكومه‌تا هه‌رێما كوردستانێ سه‌رۆكێ حكومه‌تێ پیرۆزباهییا ده‌ستبكاربوونێ ل بالیۆزا نوو یا ئه‌لمانیا كر، هیڤییا سه‌ركه‌ڤتنێ بۆ خواست و سوپاسییا هاریكارى و پشته‌ڤانییا ئه‌لمانیا ل هه‌رێما كوردستانێ كر.
ئاماژه ب هندێ كر، ته‌وه‌ره‌كێ سه‌ره‌كییێ كۆمبوونێ یێ تایبه‌ت بوو ب گرنگییا چاره‌سه‌ركرنا ئاریشه‌یێن دناڤبه‌را هه‌رێما كوردستانێ و حكومه‌تا فیدرالیدا، هه‌ردوو لا ل سه‌ر پێدڤییا رێزگرتن ل سیسته‌مێ فیدرالى و پاراستنا مافێن گه‌لێ كوردستانێ و هه‌موو پێكهاته‌یان ژ چارچووڤێ ده‌ستوورى د هه‌ڤرابوون.
بالیۆزا ئه‌لمانیا ئاماده‌ییا وه‌لاتێ خوه بۆ پێشڤه‌برنا په‌یوه‌ندییان دگه‌ل عیراقێ و هه‌رێما كوردستانێ ب تایبه‌تى د بوارێن وه‌به‌رهێنان و ئالۆگورا بازرگانیدا ده‌ربرى.
