ڕۆهنکرنەک ژ فەرمانگەها میدیا و زانیاری

فەرمانگەها میدیا و زانیاری یا حکومەتا هەرێما کوردستانێ د ڕۆهنکرنەکێدا ڕاگەهاندیە،”ل چەند پەیج و دەزگەهێن میدیایی، داخویانیەکا چاواشەکاری دەرباری پرۆژەیێ هەژمارا من هاتیە بەلاڤکرن، کو ئارمانج ژێ لێدانا پرۆژەیێن ستراتیژی یێن حکومەتا هەرێما کوردستانێ و وەزارەتا دارایی و ئابووریە.”

ئاماژەکریە ژی،” ئەم گشت فەرمانبەر و مووچەخۆرێن هەرێما کوردستانێ پشتڕاست دکەین، کو ئەو داخویانیە دوورن ژ ڕاستییێ و فەرمانبەر و مووچەخۆرێن هەرێما کوردستانێ بڕیاردەر و خودان دەستهەلاتا تمامن د مەزاختنا مووچەیێن خۆ دا و هەر کۆژمەکێ پارەی یێ کو دچیتە سەر هەژمارێن وان.”