بانکەکا نوو پشکداریێ د پڕۆژەیێ “هەژمارا من” دا دکەت

حکومەتا هەرێما کوردستانێ ڕاگەهاندیە، ب خۆشحالیڤە بانکا BBAC دبیتە ئێک ژ  بانکێن دی یێن کو دێ پشکداریێ د پڕۆژەیێ (هەژمارا من) دا کەت، ب ئەڤی ڕەنگی سەرجەمێ ژمارا وان بانکێن پشکدار دێ بیتە چار کو ئەو ژی بانکێن Ashur، BBAC، Cihan وRT نە.

ئاماژە کریە ژی، ئەڤ کارە پشکەکە ژ بزاڤێن بەردەوام یێن حکومەتێ بۆ بەرفرەهکرنا پڕۆژەیان بۆ دابینکرنا بژاردەیێن زێدەتر بۆ وەلاتییان.

 هەر وەسا دیارکریە ژی، پڕۆژەیێ(هەژمارا من) دێ بیتە ئەگەرێ دروستبوونا هەڤڕکیەکا ساخلەم دناڤبەرا باکان دا و ل گۆرەی پێدڤییێن وەلاتیان، دێ ڕێکێ ب مفادار و مووچەخۆێن هەرێما کوردستانێ دەت بانکا خۆ یا دلخواز ب هەلبژێرن، هەروەسا دێ زانیارییێن رۆهن لسەر کڕێیا بانکی و بەرهەم و خزمەتگۆزارییان دەت.

ئاشکرا کریە ژی،”هەمی زانیاری بۆ مفادارێن هەرێما کوردستانێ د ئەڤی مالپەریدا د بەردەستن”:

‏ www.myaccount.gov.krd (http://www.myaccount.gov.krd/)

هەروەسا حکومەتا هەرێما کوردستانێ ڕاگەهاندیە،” پێشبینی دکەین ل داهاتوویەکێ نێزیک بانکێن زێدەتر دناڤ پرۆگرامیدا زێدە بکەین.”