ئاژانسا خانی:
سەرۆکێ دەستەیا وەبەرهێنانێ ل هەرێما کوردستانێ گۆت: کۆمبوونا سەرۆکێ حکومەتا هەرێما کوردستانێ ل گەل جڤاتا بلند یا وەبەرهێنانێ ل كوردستانێ یا گرنگ و بەرهەمدار بوو” تێدا به‌حسێ دروستکرنا نەخشێ وەبەرهێنانێ هاته کرن و بڕیار هاته‌دان چەندین پڕۆژە د وارێن جۆدا دا بهێنه ئه‌نجامدان و ئاسانکاری بهێته كرن بۆ زێده‌کرنا پڕۆژێن وەبەرهێنانێ.
د. محەمەد شوکری، زێده‌تر گۆت: کۆمبوونا مه ل گه‌ل سەرۆکێ حکومەتا هەرێما کوردستانێ گرنگییه‌كا زۆر هەبوو كو یا تایبەت بوو ب وەبەرهێنانێ و تێدا چەند بڕیارێن گرنگ هاتنه دان، وەکو دروستکرنا نەخشەیێ وەبەرهێنانێ، داكو ئه‌و ئاریشێن ل هه‌مبه‌ر دروستکرنا وی نەخشەیی دا هه‌ین بهێنه چارەسه‌ر كرن، ئەڤه دێ بیته ئاسانکارییه‌كا باش بۆ وەبەرهێنەرانێ ل هەرێما کوردستانێ” چونكی ئێدی رۆتین د وه‌به‌رهێنانێ دا نامینیت و هەرێما کوردستانێ دێ بیته خودانا سیستەمه‌كێ تایبەت د بیاڤێ وەبەرهێنانێ دا.
ناڤهاتی گۆت ژی: د وێ کۆمبوونێ دا بڕیار ده‌ربارەیی کۆمەكا پڕۆژێن جۆدا ژ جۆرێن بازرگانی، ئابووری، ساخله‌می و چەند بیاڤێن دیتر دا هاته‌دان، د كابینا نه‌هێ یا حکومەتا هەرێما کوردستانێ دا 303 مۆلەت ب پڕۆژێن وەبەرهێنانێ هاتینه دان.
