<h3 style="text-align: justify;"><span style="font-size: 18pt;">ئهندامهكێ لژنهیا دارایى ل جڤاتا نوونهرێن عیراقێ راگههاند، سهرهدانا وهزیرێ داراییێ حكومهتا ههرێما كوردستانێ بۆ بهغدا و كۆمبوونا وى دگهل لژنهیا دارایى ل جڤاتا نوونهرێن عیراقێ گهلهك یا باش بوو، ئهو خالێن رهش یێن ل بهر چاڤێن ئهندامێن لژنهیا دارایى ههین لادان.</span></h3> <h3 style="text-align: justify;"><span style="font-size: 18pt;">د. خهلیل غازى ئهندامێ لژنهیا دارایى ل جڤاتا نوونهرێن عیراقێ بۆ ئاژنسا خانى دیاركر، شاندێ حكومهتا ههرێما كوردستانێ ب سهرۆكایهتییا ئاوات شێخ جهناب وهزیرێ دارایى، راپۆرتهكا تێر و تهسهل پێشكێشى لژنهیا دارایى كر، ههموو داهات و خهرجییێن ژ دهستپێكا ئهڤ ساله و ههتا نوكه ب داتایان دیاركر، لژنه ژى یا رازیبوو و ئهو تێبینییێن مهزن یێن ل دهڤ ههین، ههتا رادهیهكێ باش هاتنه لادان و بهرسڤا ههموو پرسیارێن وێ هاته دان.</span></h3> <h3 style="text-align: justify;"><span style="font-size: 18pt;">زێدهتر گوت: سێ ئاریشهیێن سهرهكى یێن دارایى دناڤبهرا ههولێرو بهغدا دا ههنه و ئهو بزاڤان دكهن چارهسهر بكهن ئهو ژى، جۆداكرنا مووچهى ژ خهرجییێن راستهقینه، بابهتێ مهزاختییێن بهرههمئینانا پهترۆلێ كو وهكو یێن عیراقێ لێ بهێن، ژبهركو گهلهك پاره ژ ههرێمێ دهێته برین، ههروهسا داهاتێ نهیێ پهترۆلی كو گهلهك تێبینى ل سهر هندێ نینن، حكومهتا ههرێمێ ل بهره ههموو مووچهیان بانكێن ئههلى دابین بكهت، بانكا مهركهزییا عیراقێ دێ چاڤدێرییا وان بانكان كهت، داكو چ بهانه نهمینن.</span></h3> <h3 style="text-align: justify;"><span style="font-size: 18pt;">ئاشكرا ژى كر، شاندێ ههرێمێ یێ رژده كو ههموو بابهت ژ چارچووڤێ قانوون و دهستوورى بهێنه چارهسهركرن، ههموو ئهندامێن لژنهیا دارایى ژى دڤێ كۆمبوونێدا د گهشبین بوون، ژ ههموو بهرسڤێن شاندێ حكومهتێ درازیبوون، گهلهك جاران نووچهیێن نهیێن دروست بۆ وان لژنهیێ دچوون، لێ پشتى كۆمبوونا ئهڤرۆ سهقایهكێ باش ل دهڤ لژنهیێ پهیدابوو و ئهو خالێن رهش یێن ل بهر چاڤێن وان ههین، هاتنه لادان وههموو تشت بۆ وان هاتنه روونكرن.</span></h3> <h3 style="text-align: justify;"><span style="font-size: 18pt;">د. خهلیل غازى سهبارهت گۆهارتنا برگهیێن بودجهیێ ئاماژه ب هندێ دا، ئهگهر ئهو نهشیان بابهتێ مووچهى بێى دهستكارییا برگهیێ بودجهى چارهسهربكهن، دێ داخوازا گوهۆرینا ماددهیێن 1 و 2 و 12 كهن، لێ ل دووڤ ئاخڤتنێن ئهندامێن لژنهیێ، ههتا رادهیهكێ باش درازیبوون و گهشبینى ههیه بابهتێن دارایى چارهسهر ببن.</span></h3>
